ജോജു ജോര്‍ജ് നായകനായെത്തിയ ജോസഫ് എന്ന സൂപ്പര്‍ ഹിറ്റ് ചിത്രത്തിലൂടെ മലയാളികളുടെ മനംകവര്‍ന്ന നടിയാണ് മാധുരി ബ്രാഗന്‍സ. ചിത്രത്തില്‍ ശാലീന സുന്ദരിയായി എത്തിയ മാധുരി എന്നാല്‍ വ്യക്തി ജീവിതത്തില്‍ ഏറെ മോഡേണാണ്. പലപ്പോഴും വസ്ത്ര ധാരണത്തിന്റെ പേരില്‍ വലിയ സൈബര്‍ ആക്രമണമാണ് മാധുരി നേരിടാറുള്ളത്.
സോഷ്യല്‍ മീഡിയയില്‍ സജീവമാണ് മാധുരി. തന്റെ ഏറ്റവും പുതിയ ചിത്രങ്ങളും വിശേഷങ്ങളുമെല്ലാം ആരാധകരുമായി മാധുരി പങ്കുവെയ്ക്കാറുണ്ട്. മാധുരി പങ്കുവെയ്ക്കാറുള്ള ചിത്രങ്ങളെല്ലാം വളരെ വേഗം വൈറലാകാറുമുണ്ട്. പലപ്പോഴും ഗ്ലാമര്‍ ചിത്രങ്ങള്‍ പോസ്റ്റ് ചെയ്താണ് മാധുരി ആരാധകരെ ഞെട്ടിക്കാറുള്ളത്.
ഇപ്പോള്‍ ഇതാ വസ്ത്രധാരണത്തെ കുറിച്ച് മാധുരി പറഞ്ഞ കാര്യങ്ങള്‍ സോഷ്യല്‍ മീഡിയയില്‍ വൈറലായി മാറിയിരിക്കുകയാണ്. സ്ത്രീകള്‍ക്ക് വയറ് കാണിക്കാവുന്ന രീതിയില്‍ സാരി ഉടുക്കാമെങ്കില്‍ നിങ്ങള്‍ക്ക് ഇഷ്ടമുള്ള വസ്ത്രം ധരിക്കാമെന്ന് മാധുരി പറഞ്ഞു.
പുരുഷന്മാര്‍ക്ക് പൊതുസ്ഥലത്ത് മൂത്രമൊഴിക്കാന്‍ പറ്റുമെങ്കില്‍ സ്ത്രീകള്‍ക്കും അതിന് കഴിയും. പുരുഷന്മാര്‍ക്ക് വസ്തുനിഷ്ഠതയില്ലാതെ കാര്യങ്ങള്‍ ചെയ്യാന്‍ സാധിക്കുമെങ്കില്‍ സ്ത്രീകള്‍ക്കും അതൊക്കെ ചെയ്യാന്‍ കഴിയുമെന്നും മാധുരി വ്യക്തമാക്കി.
സൗന്ദര്യം എന്നത് ഓരോരുത്തരുടെയും ഉള്ളിലാണെന്നാണ് മാധുരി പറയുന്നത്. സാരിയില്‍ അല്ല സൗന്ദര്യമിരിക്കുന്നത്. തന്റെ സൗന്ദര്യത്തില്‍ തനിയ്ക്ക് ഉയര്‍ന്ന നിലവാരമുണ്ടെന്നും അതിനാല്‍ തന്നെ നിങ്ങളുടെ അഭിപ്രായങ്ങളൊന്നും വേണ്ട എന്നും മാധുരി ബ്രാഗന്‍സ കൂട്ടിച്ചേര്‍ത്തു.
സിജു വില്‍സനെ നായകനാക്കി വിനയന്‍ സംവിധാനം ചെയ്ത പത്തൊമ്പതാം നൂറ്റാണ്ട് എന്ന ചിത്രത്തിലാണ് മാധുരി അവസാനം അഭിനയിച്ചത്. ചിത്രത്തിലെ മാധുരിയുടെ ലൊക്കേഷന്‍ സ്റ്റില്‍സ് വൈറലായിരുന്നു. ‘വരാല്‍’ ആണ് താരത്തിന്റെതായി വരാനിരിക്കുന്ന പുതിയ സിനിമ. മലയാളത്തിനു പുറമേ കന്നടയിലും സജീവമാണ് മാധുരി.
