കോഴിക്കോട്: മാവൂരില് മൊബൈല് ഫോണ് കടയില് മോഷണം. 12 ഫോണുകള് നഷ്ടപ്പെട്ടതായി കടയുടമ പോലീസില് പരാതി നല്കി.
മാവൂര് പോലീസ് സ്റ്റേഷനു സമീപമുള്ള കടയിലാണ് സംഭവം. മോഷ്ടാവ് പൂട്ട് തകര്ത്താണ് അകത്ത് കടന്നത്.
ആകെ ഒരു ലക്ഷത്തി 35000 രൂപയുടെ നഷ്ടമുണ്ടായെന്നാണ് വിലയിരുത്തല്.
മാസങ്ങള്ക്ക് മുമ്പും സമാനരീതിയില് ഇതേ കടയില് മോഷണം നടന്നിട്ടുണ്ടെന്നു കടയുടമ പറഞ്ഞു. സ്റ്റേഷനു തൊട്ടടുത്തുള്ള പ്രദേശത്ത് മോഷണം പതിവാകുന്നത് പോലീസിന്റെ ജാഗ്രതക്കുറവാണെന്ന് നാട്ടുകാര് ആരോപിച്ചു.
സിസിടിവി ദൃശ്യങ്ങള് കേന്ദ്രീകരിച്ച് പോലീസ് അന്വേഷണം തുടങ്ങിയിട്ടുണ്ട്.