മുംബൈ: റിലയന്സ് ഇന്ഡസ്ട്രീസ് ലിമിറ്റഡ് ചെയര്മാന് മുകേഷ് അംബാനിക്കും കുടുംബത്തിനും ഫോണിൽ വധഭീഷണി. മുംബൈയിലെ സർ എച്ച്എൻ റിലയന്സ് ഫൗണ്ടേഷൻ ആശുപത്രിയിലെ ലാൻഡ് ലൈനിൽ ബുധനാഴ്ച ഉച്ചയോടെയാണ് അജ്ഞാതന്റെ ഭീഷണി സന്ദേശം എത്തിയത്.
മുകേഷ് അംബാനി, ഭാര്യ നിത അംബാനി, മക്കളായ അകാശ്, ആനന്ദ് എന്നിവരെ വധിക്കുമെന്നായിരുന്നു ഭീഷണിയെന്ന് പോലീസ് പറയുന്നു. സംഭവത്തില് മുംബൈ ഡിബി മാര്ഗ് പോലീസ് കേസെടുത്ത് അന്വേഷണം ആരംഭിച്ചു. ഭീഷണി സന്ദേശത്തിന്റെ ഉറവിടം കണ്ടെത്താനുള്ള ശ്രമത്തിലാണ് പോലീസ്.
സംഭവത്തെ തുടർന്നു അംബാനിക്കും കുടുംബത്തിനും പോലീസ് സുരക്ഷ വർധിപ്പിച്ചു.