നമ്മുടെ ദൈനംദിന ജീവിതത്തില്‍ പലപ്പോഴം നമ്മള്‍ ശ്രദ്ധിക്കാതെ പോകുന്ന ചില ചെറിയ വ്യത്യസ്തമായ കാര്യങ്ങള്‍ ഉണ്ടാകും. ഉദാഹരണത്തിന് നമുക്ക് ഒരു പേനയുടെ അടപ്പ് എടുക്കാം. ആ അടപ്പിന്റെ തുമ്പത്ത് എ്ന്തുകൊണ്ടാണ് ഒരു ചെറിയ ദ്വാരം ഉള്ളതെന്ന് എപ്പോഴെങ്കിലും ചിന്തിച്ചിട്ടുണ്ടേ? അടപ്പ് ഇതുവരെ ശ്രദ്ധിക്കാത്തവര്‍ ആ അടപ്പ് ഒന്ന് എടുത്ത് നോക്കൂ.വെറുതെ ഒരു രസത്തിന് ഇട്ടിരിക്കുന്ന ദ്വാര മല്ലേ അത് എന്ന് ചോദിക്കുന്നവരും ചിന്തിക്കുന്നവരും ഇത് ഒന്ന് വായിച്ചാല്‍ മനസിലാകും അതിന്റെ പിന്നില്‍ ഒരു പ്രധാനപ്പെട്ട കാരണമുണ്ടെന്ന്. പലരും പല കാരണങ്ങളാണ് പറയുന്നതെങ്കിലും യഥാര്‍ത്ഥ എന്താണെന്ന് നിങ്ങൾക്ക് അറിയാൻ ഇത് വായിക്കാം. പേനയ്ക്കുള്ളിലെ മഷിയുമായി ഇതിന് ബന്ധമുണ്ടെന്ന് പറയുന്ന ചിലരുണ്ടെങ്കിലും യഥാര്‍ത്ഥത്തില്‍ അതല്ല കാരണം.
zackdfilms എന്ന ഇന്‍സ്റ്റാഗ്രാം ഉപയോക്തവാണ് അടപ്പിലെ ഈ ദ്വാരത്തെക്കുറിച്ചുള്ള യഥാര്‍ത്ഥ കാരണം വിശദീകരിക്കുന്നത്. പേന നിര്‍മ്മാണ കമ്പനിയായ ബിക്ക് (bic) പറയുന്നതനുസരിച്ച്, ‘അവരുടെ ചില പേനകളുടെ അടപ്പില്‍ ഒരു ദ്വാരം ഇട്ടിരിക്കുന്നതിന് ഒരു പ്രധാന കാരണമുണ്ട്. അബദ്ധത്തില്‍ ആരുടെയെങ്കിലും വായില്‍ പേന പോയാല്‍ ഈ തൊപ്പിയിലെ ദ്വാരത്തിലൂടെ അവര്‍ക്ക് ശ്വാസം എടുക്കാന്‍ സാധിക്കും.
ശ്വാസനാളത്തെ തടസപ്പെടുത്താതെ ശ്വസിക്കാനും ജീവന്‍ നില നിര്‍ത്താനും ഇതിലൂടെ കഴിയും്. അന്താരാഷ്ട്ര സുരക്ഷാ മാനദണ്ഡമായ ഐഎസ്ഒ 11540 ഇത് ആവശ്യപ്പെടുന്നുണ്ട്. വിഴുങ്ങാന്‍ കഴിയാത്ത അത്ര അടപ്പ് ആണെങ്കില്‍ മാത്രമാണ് നിയമം ബാധകമല്ലാതെ വരുന്നത്. കേള്‍ക്കുമ്പോള്‍ അത്ഭുതം തോന്നുമെങ്കില്‍ ആ ദ്വാരത്തിന് പിന്നിലെ യഥാര്‍ത്ഥ കഥയിതാണ്.
2016ലെ ദ ഇന്‍ഡിപെന്റന്റില്‍ പ്രസിദ്ധീകരിച്ച റിപ്പോര്‍ട്ട് പ്രകാരം അമേരിക്കയില്‍ നൂറില്‍ അധികം ആളുകളാണ് തൊണ്ടയില്‍ പേനയുടെ അടപ്പ് കുടുങ്ങി മരിച്ചത്. ഇതോടെ ആണ് ഇതിന് പരിഹാരമായ ബിക് എന്ന കമ്പനി ആദ്യമായി അടപ്പില്‍ ദ്വാരമിട്ടത്. ഒരു ജീവന്‍ രക്ഷ ഉപാധിയാണ് പേനയിലെ അടപ്പില്‍ കാണുന്ന ഈ ദ്വാരം. ഇത്തരത്തില്‍ നമ്മള്‍ ജീവിതത്തില്‍ ശ്രദ്ധിക്കാത്ത നിരവധി ചെറിയ കാര്യങ്ങളുണ്ടെന്നതാണ് സത്യം.
