ഇടുക്കി: കൈക്കൂലി വാങ്ങുന്നതിനിടെ വില്ലേജ് ഓഫീസർ പിടിയിൽ. ഇടുക്കി കൊന്നത്തടി വില്ലേജ് ഓഫീസർ പ്രമോദ് കുമാറാണ് പിടിയിലായത്.
ഫാമിലി റിലേഷൻ സർട്ടിഫിക്കറ്റ് നൽകുന്നതിനായി 2,500 രൂപ കൈക്കൂലി വാങ്ങുന്നതിനിടെ വിജിലൻസ് സംഘം പിടികൂടുകയായിരുന്നു. സർട്ടിഫിക്കറ്റിനായി 3,000 രൂപയാണ് ഇയാൾ ആവശ്യപ്പെട്ടത്.
പരാതിക്കാരൻ 500 രൂപ ആദ്യം നൽകി. തുടർന്ന് വിജിലൻസിനെ വിവരമറിയിക്കുകയായിരുന്നു. വിജിലൻസ് നൽകിയ പണം വാങ്ങുന്നതിനിടെയാണ് ഇയാൾ പിടിയിലായത്. പ്രമോദ് കുമാറിനെ ഇന്ന് കോടതിയിൽ ഹാജരാക്കും.