കൊച്ചി: ഡോളര് കടത്ത് കേസില് മുഖ്യമന്ത്രിയുടെ മുന്പ്രിന്സിപ്പല് സെക്രട്ടറി എം. ശിവശങ്കര് ആറാം പ്രതി. ശിവശങ്കറാണ് കേസിലെ മുഖ്യ ആസൂത്രകനെന്നും കസ്റ്റംസ് കോടതിയില് സമര്പ്പിച്ച കുറ്റപത്രത്തില് വ്യക്തമാക്കി.
യുഎഇ കോണ്സുലേറ്റ് മുന് ഉദ്യോഗസ്ഥന് ഖാലിദ് മുഹമ്മദ് അലി ഷൗക്രിയാണ് കേസിലെ ഒന്നാം പ്രതി. ഇയാളെയും കസ്റ്റംസ് കേസില് പ്രതിചേര്ത്തു.
കോണ്സല് ജനറല് ഉള്പ്പെട്ട ഡോളര് കടത്തിനെ കുറിച്ച് അറിഞ്ഞിട്ടും ശിവശങ്കര് മറച്ചുവച്ചുവെന്നും ലൈഫ് മിഷന് ഇടപാടില് ശിവശങ്കറിന് ഒരു കോടി രൂപ കമ്മീഷന് ലഭിച്ചുവെന്നും കസ്റ്റംസ് കുറ്റപത്രത്തില് പറയുന്നു. സ്വപ്ന സുരേഷിന്റെ ലോക്കറിലെ തുക ശിവശങ്കറിന് ലഭിച്ച കമ്മീഷനാണെന്നും കസ്റ്റംസ് വ്യക്തമാക്കി.
ലൈഫ് യുണിടാക്ക് കമ്മീഷൻ ഇടപാടിന്റെ സൂത്രധാരൻ ശിവശങ്കറാണ്. മുഖ്യമന്ത്രിക്ക് വേണ്ടി വിദേശ കറൻസി കടത്തിയെന്ന സ്വപ്നയുടെ മൊഴിയും കസ്റ്റംസ് കുറ്റപത്രത്തിൽ ഉൾപ്പെടുത്തിയിട്ടുണ്ട്.