ധുബ്രി: ആസാമിലെ ധുബ്രി ജില്ലയിൽ ബ്രഹ്മപുത്ര നദിയിൽ ബോട്ട് മുങ്ങി ഏഴ് പേരെ കാണാതായി. സമീപത്ത് നിർമാണത്തിലിരുന്ന പാലം പരിശോധിക്കാനെത്തിയ ഉദ്യോഗസ്ഥ സംഘമാണ് അപകടത്തിൽപ്പെട്ടത്.
ധുബ്രി-പുൽബാരി മേഖലയിലെ ബ്രഹ്മപുത്ര നദിയുടെ കനാലിന് കുറുകെ നിർമിക്കുന്ന പാലത്തിന് സമീപത്താണ് അപകടം സംഭവിച്ചത്. ധുബ്രി സർക്കിൾ ഓഫീസിലെ 25 ഉദ്യോഗസ്ഥർ സഞ്ചരിച്ച ബോട്ടിൽ നദിയിലൂടെ ഒഴുകിയെത്തിയ തിരിച്ചറിഞ്ഞിട്ടില്ലാത വസ്തു തട്ടിയാണ് ബോട്ട് മറിഞ്ഞത്.
അപകടത്തിൽ അകപ്പെട്ട പലരും നീന്തി രക്ഷപ്പെട്ടെങ്കിലും സർക്കിൾ ഓഫീസർ സഞ്ജു ദാസ് അടക്കമുള്ളവർ ഒഴുകി പോവുകയായിരുന്നു. സംഭവസ്ഥലത്ത് രക്ഷാസേനയും പോലീസും തെരച്ചിൽ തുടരുകയാണ്.