ഹൂസ്റ്റണ്‍: മലയാളീ എൻജിനീയേഴ്സ് അസോസിയേഷൻ കേരളത്തിലുള്ള മിടുക്കരായ എൻജിനീയറിംഗ് പഠിക്കാൻ താൽപര്യമുള്ള നല്ല മാർക്കുള്ള കുട്ടികളെ തെരഞ്ഞെടുത്തു സ്കോളർഷിപ് നൽകി പഠിപ്പിച്ചുകൊണ്ടിരിക്കുന്ന കാരുണ്യ പ്രവർത്തി വിപുലീകരിക്കുന്നതിനായി കേരളത്തിലെ പ്രശസ്തരായ മൂന്ന് ഗായകരെ കോർത്തിണക്കികൊണ്ട് ഒക്ടോബർ രണ്ടിന് വൈകുന്നേരം അഞ്ചിന് ഹൂസ്റ്റണ്‍ സെന്‍റ് തോമസ് ഹാളിൽ ഒരു സംഗീത സായാഹ്നം ഒരുക്കുകയാണ്.
നീണ്ട 34 വർഷത്തെ കലാജീവിതത്തിന്‍റെ വിജയഗാഥയുമായി ഗായിക, തികഞ്ഞ നർത്തകി, അഭിനയേത്രി എന്നീ നിലകളിൽ കഴിവ് തെളിയിച്ച സിതാര കൃഷ്ണകുമാർ നീണ്ട ഒരു കോവിടാനന്തര ഇടവേളക്കുശേഷം അമേരിക്കയിലെത്തുകയാണ് എന്ന് മാത്രമല്ല ഒപ്പം കേരളത്തിലെ ഇപ്പോഴത്തെ പ്രമുഖ ഗായകരായ ടെക്കീ റോക്സ്റ്റാർ ഹരീഷ് ശിവരാമകൃഷ്ണനും, ഇൻഡീ സൂപ്പർസ്റ്റാർ ജോബ് കുര്യനും ചേർന്നുള്ള വളരെ മനോഹരമായ ഒരു കലാവിരുന്നായിരിക്കും അരങ്ങേറുക എന്ന് മലയാളീ എൻജിനീയേഴ്സ് അസോസിയേഷൻ പ്രസിഡന്‍റ് സുബിൻ ബാലകൃഷ്ണൻ അറിയിച്ചു.
മലയാളികളായ കൂടുതൽ വിദ്യാർഥികൾക്ക് ഇനിയുമധികം പഠന സൗകര്യങ്ങൾ ഒരുക്കുവാനും ഈ കലാസന്ധ്യ സന്പന്നമാക്കുവാനും ഹൂസ്റ്റണിലെ നല്ലവരായ എല്ലാ മലയാളികളെയും സവിനയം സഹർഷം സ്വാഗതം ചെയ്യുന്നതായി പ്രസിഡന്‍റ് സുബിൻ ബാലകൃഷ്ണൻ അറിയിച്ചു.
ടിക്കറ്റിനും മറ്റു കൂടുതൽ വിവരങ്ങൾക്കും: 281 546 0589, 713 826 4456.
