താനെ: മഹാരാഷ്ട്രയിലെ താനെയിൽ അഞ്ച് നില പാർപ്പിട സമുച്ചയത്തിന്റെ നാലാം നിലയിലെ സ്ലാബ് അടർന്നു വീണ് രണ്ട് സ്ത്രീകൾ ഉൾപ്പെടെ നാല് പേർ മരിച്ചു. ഒടുവിൽ വിവരം ലഭിക്കുമ്പോൾ രണ്ട് പേർ അവശിഷ്ടങ്ങൾക്കിടയിൽ കുടുങ്ങിക്കിടക്കുകയാണ്. വ്യാഴാഴ്ച രാവിലെ 11.30 ഓടെ താനെ ഉല്ലാസ്നഗറിലായിരുന്നു സംഭവം.
30 ഫ്ളാറ്റുകളുള്ള കെട്ടിടം അനധികൃതമായി നിർമിച്ചവയാണ്. കെട്ടിടം പൊളിക്കാൻ നോട്ടീസ് നൽകിയിട്ടുണ്ടെന്നും ഉല്ലാസ്നഗർ തഹസീൽദാർ കോമൾ താക്കൂർ അറിയിച്ചു. അഞ്ച് കുടുംബങ്ങളാണ് നിലവിൽ ഈ കെട്ടിടത്തിൽ ഉണ്ടായിരുന്നത്.