തിരുവനന്തപുരം: കേരളം കാത്തിരുന്ന തിരുവോണം ബമ്പർ നറുക്കെടുത്തു. ഒന്നാം സമ്മാനമായ 25 കോടി രൂപ TJ 750605 നമ്പറിനാണ് ലഭിച്ചത്. രണ്ടാം സമ്മാനം അഞ്ചുകോടി രൂപ TG 270912 നും ലഭിച്ചു. തിരുവനന്തപുരം ആറ്റിങ്ങലിൽ വിറ്റ ടിക്കറ്റിനാണ് ഒന്നാം സമ്മാനം. തങ്കരാജ് എന്ന ഏജന്‍റാണ് ഈ ടിക്കറ്റ് വിറ്റത്.
സംസ്ഥാനത്തിന്‍റെ ലോട്ടറി ചരിത്രത്തിൽ ഏറ്റവും കൂടിയ തുകയാണ് സമ്മാനമായി നൽകുന്നത്. 25 കോടി രൂപയാണ് ഒന്നാം സമ്മാനം. ഒന്നാം സമ്മാനം നേടുന്ന വ്യക്തിക്ക് നികുതികള്‍ കഴിച്ച് കിട്ടുക 15.75 കോടിയാണ്. ടിക്കറ്റിന് പിറകില്‍ ഒപ്പിടുന്നയാളിനാണ് സമ്മാനത്തിന് അര്‍ഹത.
അഞ്ച് കോടി രൂപയാണ് രണ്ടാം സമ്മാനം. മൂന്നാം സമ്മാനമായി 10 പേര്‍ക്ക് ഒരുകോടി രൂപ വീതം ലഭിക്കും. നാലാം സമ്മാനം 90 പേര്‍ക്ക് ഒരു ലക്ഷം രൂപയും അഞ്ചാം സമ്മാനം 5000 രൂപയുമാണ്. 72000 പേര്‍ക്ക് അഞ്ചാം സമ്മാനം നല്‍കും.
