ലണ്ടൻ: വിരമിക്കൽ പ്രഖ്യാപിച്ച് ടെന്നീസ് ഇതിഹാസം റോജർ ഫെഡറർ. 2022 ലേവർ കപ്പിനുശേഷം വിരമിക്കുമെന്ന് 41കാരനായ സ്വിസ് താരം പ്രഖ്യാപിച്ചു. ഇതോടെ 24 വർഷം നീണ്ടുനിന്ന കരിയറാണ് ഫെഡറർ അവസാനിപ്പിക്കുന്നത്. ട്വിറ്ററിലൂടെയാണ് പ്രഖ്യാപനം.
ടെന്നീസ് കോർട്ടിലെ മിന്നും താരമായ ഫെഡറർ 20 ഗ്രാൻഡ്സ്ലാം കിരീടങ്ങളാണ് സ്വന്തമാക്കിയത്. 24 വർഷത്തിനിടെ 103 കിരീടങ്ങളും ഫെഡറർ സ്വന്തമാക്കുകയും ചെയ്തു.
16-ാം വയസിൽ (1997ൽ) പ്രഫഷണൽ ടെന്നിസിൽ അരങ്ങേറ്റം കുറിച്ച ഫെഡറർ കഴിഞ്ഞ കുറച്ചുവര്ഷങ്ങളായി പരിക്കുമൂലം ടെന്നീസ് കോര്ട്ടില്നിന്നു വിട്ടുനില്ക്കുകയായിരുന്നു. കാല്മുട്ടിനേറ്റ പരിക്കാണ് താരത്തിന് പലപ്പോഴും വില്ലനായത്.