സ്വര്‍ണാഭരണം ധരിക്കാതെ ശ്രീനിവാസ് വീടിന് പുറത്തിറങ്ങില്ല. അതും അഞ്ച് കിലോ സ്വര്‍ണമാണ് കഴുത്തിലും കയ്യിലുമൊക്കെയായി ഇദ്ദേഹം ധരിക്കുന്നത്. സര്‍വാഭരണവിഭൂഷിതനായി നടക്കുന്ന ശ്രീനിവാസനെ കണ്ട് കൗതുകം തോന്നി ആരെങ്കിലും സെല്‍ഫി എടുക്കാന്‍ ചെന്നാല്‍ അവരേയും അദ്ദേഹം നിരാശപ്പെടുത്താറില്ല. ആഭരണം ധരിച്ച്‌ സെല്‍ഫിയെടുക്കാന്‍ നില്‍ക്കുന്ന ശ്രീനിവാസന് ഗ്രാമത്തിലെ പതിവ് കാഴ്ച്ചയാണ്.
സ്വര്‍ണത്തോട് ശ്രീനിവാസന് പ്രത്യേക ഭ്രമമുണ്ടെന്ന് നാട്ടുകാരും പറയുന്നു. എന്നാല്‍, വെറും ഭ്രമത്തിന്റെ പേരിലിലല്ല താന്‍ സ്വര്‍ണം ധരിക്കുന്നതെന്നാണ് ശ്രീനിവാസന് പറയുന്നത്. മരിച്ചുപോയ തന്റെ അമ്മയുമായി ബന്ധപ്പെട്ടതാണ് അതെന്നും അദ്ദേഹം പറയുന്നു. ആ കഥ ഇങ്ങനെ, കുട്ടിക്കാലത്ത് വലിയ ദേഷ്യക്കാരനായിരുന്നു ശ്രീനിവാസന്. നിസ്സാര കാര്യത്തിനു പോലും കുഞ്ഞുനാളില്‍ കോപിക്കുമായിരുന്നുവെന്ന് ശ്രീനിവാസന് പറയുന്നു. മകന്റെ ദേഷ്യം നിയന്ത്രിക്കാന്‍ അമ്മ പറഞ്ഞുകൊടുത്ത വഴിയാണത്രേ സ്വര്‍ണാഭരണം ധരിക്കുക എന്നത്. രണ്ട‌് മോതിരവും ഒരു മാലയും ധരിച്ചാല്‍ കോപം നിയന്ത്രിക്കാന്‍ കഴിയുമെന്ന അമ്മയുടെ ഉപദേശം ഫലിച്ചെന്നും ശ്രീനിവാസ് പറയുന്നു.
ശ്രീനിവാസന് വലുതായതോടെ ധരിച്ചിരുന്ന ആഭരണങ്ങളുടെ എണ്ണവും ഭാരവും കൂടിയെന്നു മാത്രം. വിശാഖപട്ടണത്തെ ‘സ്വര്‍ണ മനുഷ്യന്‍’ എന്നാണ് ശ്രീനിവാസന് അറിയപ്പെടുന്നത്.
