രാഷ്ട്രഭാഷ ഹിന്ദിയെ ലോകത്തിന് പരിചയപ്പെടുത്താൻ വിശാല പദ്ധതി യുമായി സാംസ്കാരിക വകുപ്പ്. ഐക്യരാഷ്ട്ര സഭയുടെ സംവിധാനങ്ങളിൽ ഹിന്ദിയുടെ പ്രചാരണം നടത്താനാണ് തീരുമാനം. ഇതിന്റെ ഭാഗമായി സാംസ്കാരിക പ്രവർത്തനങ്ങ ൾക്കും ഭാഷാ പ്രചാരണത്തിനുമായി എട്ടു ലക്ഷം അമേരിക്കൻ ഡോളറിന് തത്തുല്യമായ തുക ഇന്ത്യ യുഎൻ സാംസ്കാരിക വകുപ്പിന് കൈമാറി. ഐക്യരാഷ്ട്ര സഭയിലെ ഇന്ത്യയുടെ ഉപപ്രതിനിധി ആർ.രവീന്ദ്രയാണ് ഇന്ത്യയുടെ സംഭാവന യുഎൻ ഉദ്യോഗസ്ഥർക്ക് കൈമാറിയത്.
2018 മുതൽ ഐക്യരാഷ്ട്രസഭയുടെ ആഗോള ആശയവിനിമയ പദ്ധതികളിൽ ഇന്ത്യ സജീവ അംഗമാണ്. മാത്രമല്ല ഇന്ത്യയുടെ എല്ലാ നേട്ടങ്ങളും ആശങ്ങളും ഐക്യരാഷ്ട്രസഭയിൽ ഹിന്ദിയിൽ തന്നെ പരിഭാഷപ്പെടുത്തി എത്തിക്കാനും അത് ഡിജിറ്റലായി സൂക്ഷിക്കാനും ഇന്ത്യയ്ക്കാവുന്നുണ്ടെന്നും രവീന്ദ്ര പറഞ്ഞു.