ഇന്ത്യന് പ്രീമിയര് ലീഗിലെ ഇതിഹാസ താരമാണ് വെസ്റ്റ് ഇന്ഡീസ് താരം ക്രിസ് ഗെയ്ല്. കൊല്ക്കത്താ നൈറ്റ് റൈഡേഴ്സ്, റോയല് ചലഞ്ചേഴ്സ് ബാംഗ്ലൂര്, പഞ്ചാബ് കിംഗ്സ് എന്നീ ടീമുകളിലാണ് യൂണിവേഴ്സല് ബോസ് കളിച്ചത്.
എന്നാല് ഇത്തവണ ഐപിഎല്ലില് നിന്നും ക്രിസ് ഗെയ്ല് പിന്മാറിയിരുന്നു.
എന്തുകൊണ്ടാണ് ഐപിഎല്ലില് നിന്നും പിന്മാറിയത് എന്ന് ഒരു അഭിമുഖത്തില് ക്രിസ് ഗെയ്ല് പറയുകയുണ്ടായി. ” കഴിഞ്ഞ രണ്ട് വര്ഷമായി, ഐപിഎല് നടന്ന രീതിയില് എന്നോട് നല്ല രീതിയില് പെരുമാറിയില്ലാ എന്ന് എനിക്ക് തോന്നി. അതിനാല്, ഞാന് വിചാരിച്ചു, സ്പോര്ട്സിനും ഐപിഎല്ലിനും വേണ്ടി ഇത്രയധികം ചെയ്തതിന് ശേഷം നിങ്ങള്ക്ക് അര്ഹമായ ബഹുമാനം ലഭിച്ചില്ല.’ അതിനാല്, ഞാന് പറഞ്ഞു ‘ശരി, ഇനി, ഡ്രാഫ്റ്റിലേക്ക് വരുന്നില്ലാ. അതിനാല് ഞാന് അത് അതേപടി ഉപേക്ഷിച്ചു. ക്രിക്കറ്റിന് ശേഷമുള്ള ജീവിതം എല്ലായ്പ്പോഴും ഉണ്ടാകും, അതിനാല് ഞാന് സാധാരണ നിലയിലേക്ക് പൊരുത്തപ്പെടാന് ശ്രമിക്കുകയാണ്, ” ഗെയ്ല് പറഞ്ഞു.
കഴിഞ്ഞ സീസണില് ക്രിസ് ഗെയ്ലിനു സ്ഥിരമായ ഒരു ബാറ്റിംഗ് പൊസിഷന് ഉണ്ടായിരുന്നില്ലാ. 10 മത്സരങ്ങളില് നിന്നായി വെറും 193 റണ്സാണ് താരം നേടിയത്. 2020 ല് 7 മത്സരങ്ങളില് നിന്നും 288 റണ്സ് അടിച്ചെടുത്തു. അതേ സമയം 2023 ല് ഐപിഎല്ലില് തിരിച്ചെത്തുമെന്ന് യൂണിവേഴ്സല് ബോസ് പറഞ്ഞു.”അടുത്ത വര്ഷം ഞാന് മടങ്ങിവരും, അവര്ക്ക് എന്നെ വേണം!” ഗെയ്ല് ചിരിച്ചു കൊണ്ട് പറഞ്ഞു..
“ഞാന് ഐപിഎല്, കൊല്ക്കത്ത, ആര്സിബി, പഞ്ചാബ് എന്നീ മൂന്ന് ടീമുകളെ പ്രതിനിധീകരിച്ചിട്ടുണ്ട്. ആര്സിബിക്കും പഞ്ചാബ്, ആ രണ്ട് ടീമുകളിലൊന്നിനൊപ്പം ഒരു കിരീടം നേടാന് ഞാന് ആഗ്രഹിക്കുന്നു. വെല്ലുവിളികളെ ഞാന് ഇഷ്ടപ്പെടുന്നു, അതിനാല് എന്താണ് സംഭവിക്കുന്നതെന്ന് നമുക്ക് നോക്കാം, “അദ്ദേഹം പറഞ്ഞു നിര്ത്തി.