ഇന്ത്യക്കെതിരായ ഏകദിന പരമ്ബരയ്ക്കുള്ള വെസ്റ്റ് ഇന്ഡീസ് ടീമിനെ പ്രഖ്യാപിച്ചു. കെമര് റോച്ച് പതിനഞ്ചംഗ ടീമില് തിരിച്ചെത്തി.
സൂപ്പര് ഓള് റൗണ്ടര് കീറണ് പൊള്ളാര്ഡാണ് ടീമിനെ നയിക്കുന്നത്. ഷിംറോണ് ഹെത്മയറിന് ടീമില് ഇടം നേടാന് സാധിച്ചില്ല. ട്വന്റി20 ടീമിനെ പിന്നീട് പ്രഖ്യാപിക്കും. മൂന്നു മത്സരങ്ങളുള്പ്പെട്ട പരമ്ബര അടുത്ത മാസം ആറിന് അഹമ്മദാബാദില് നടക്കും. എല്ലാ മത്സരങ്ങളും ഡേ നൈറ്റായിരിക്കും.
ദീപക് ഹൂഡയാണ് ഇന്ത്യയുടെ ഏകദിന ടീമിലെ പുതുമുഖം. കുല്ദീപ് യാദവ് ഏകദിന ടീമിലും വാഷിംഗ്ടണ് സുന്ദര് ഏകദിന- ട്വന്റി20 ടീമിലും തിരിച്ചെത്തി. അതേസമയം, വെങ്കിടേഷ് അയ്യരെ ഏകദിന ടീമില് നിന്ന് ഒഴിവാക്കി.
ഏകദിന പരമ്ബരയ്ക്കു ശേഷം മൂന്ന് ട്വന്റി20കള് കൂടി വിന്ഡീസ് ടീം ഇന്ത്യയില് കളിക്കും. 16, 18, 20 തിയ്യതികളിലായി കൊല്ക്കത്തയിലെ ഈഡന് ഗാര്ഡന്സിലാണ് ട്വന്റി20 നടക്കുക. രോഹിത് ശര്മയെ ക്യാപ്റ്റനാക്കി ഇന്ത്യയുടെ ഏകദിന, ട്വന്റി20 ടീമുകളെ കഴിഞ്ഞ ദിവസം പ്രഖ്യാപിച്ചിരുന്നു.