സോളാര് കേസുമായി ബന്ധപ്പെട്ട് അപകീര്ത്തികരമായ പരാമര്ശത്തില് ഉമ്മന്ചാണ്ടിക്ക് 10 ലക്ഷം രൂപ നഷ്ടപരിഹാരം നല്കണമെന്ന വിധിക്കെതിരെ വി.എസ് അച്യുതാനന്ദന് അപ്പീല് നല്കും .
കോടതി വിധി യുക്തി സഹമല്ലെന്നും ജുഡീഷ്യല് കമ്മീഷന് റിപ്പോര്ട്ട് പരിഗണിക്കാതെയാണ് കോടതി ഉത്തരവെന്നും വി എസ് ഫേസ്ബുക്ക് പോസ്റ്റില് അറിയിച്ചു.
സോളാര് അഴിമതിയില് ഉമ്മന് ചാണ്ടിയുടെ പങ്കിനെപറ്റി ‘റിപ്പോര്ട്ടര് ചാനല്’ അഭിമുഖത്തില്പറഞ്ഞ കാര്യങ്ങള് ഉമ്മന് ചാണ്ടിക്ക് അപകീര്ത്തികരമാണ് എന്നു പറഞ്ഞാണ് നഷ്ടപരിഹാരത്തിന് കേസ് ഫയല് ചെയ്തത്. എന്നാല് പ്രതിപക്ഷ നേതാവായിരുന്ന വി .എസ്സ് പറഞ്ഞ കാര്യങ്ങള് അടങ്ങിയ മുഖാമുഖം രേഖകള് ഒന്നും തന്നേ ഉമ്മന്ചാണ്ടി കോടതിയില്ഹാജരാക്കുകയൊ തെളിയിക്കുകയോ ചെയ്തിട്ടില്ല.
എന്നാല് ഉമ്മന്ചാണ്ടിയുടെ പങ്കുതെളിയിക്കുന്ന, അദ്ദേഹം തന്നെ നിയമിച്ചിരുന്ന ജസ്റ്റിസ് ശിവരാജന് കമ്മീഷന്റെ റിപ്പോര്ട്ടും തുടര്ന്ന് ഗവണ്മെന്റ് റിപ്പോര്ട്ട് അംഗീകരിച്ചുകൊണ്ട് ഉമ്മന് ചാണ്ടിയ്ക്കെതിരെ എടുത്ത നടപടി റിപ്പോര്ട്ടും ഗവണ്മെന്റ് ഉദ്യോഗസ്ഥന്മാര് സാക്ഷിയായി വന്നു തെളിയിച്ചിട്ടുണ്ട്.
ഈ വസ്തുതകള് ഒന്നും പരിഗണിക്കാതെയാണ് കോടതി നഷ്ട പരിഹാരം കൊടുക്കാന് വിധിച്ചത്. കോടതി വ്യവഹാരങ്ങളില് നീതി എപ്പോഴും കീഴ്കോടതിയില് നിന്നും കിട്ടികൊള്ളണമില്ലെന്ന മുന്കാല നിയമപോരാട്ടങ്ങളില് പലതിലും കണ്ടതാണ്.
സോളാര് കേസില് ഉമ്മന് ചാണ്ടിക്ക് എതിരെ നടത്തിയ പരാമര്ശങ്ങള് ഉമ്മന് ചാണ്ടിക്ക് അപകീര്ത്തിപരമായിതോന്നി എന്നത്, അദ്ദേഹത്തിന്റെ വ്യക്തിപരമായ തോന്നല് ആണ്. പരാമര്ശങ്ങള്ക്ക്അടിസ്ഥാനമായ സോളാര് കമ്മീഷന് റിപ്പോര്ട്ട് ചോദ്യം ചെയ്ത് ഉമ്മന് ചാണ്ടിതന്നെ ഹൈക്കോടതിയില് പോയിരുന്നു എങ്കിലും അത് തള്ളി പോവുകയായിരുന്നു.
സോളാര് കമ്മീഷന് കണ്ടെത്തിയ വസ്തുതകള് പ്രതിപക്ഷ നേതാവ് എന്ന നിലയില് പൊതുശ്രദ്ധയില് കൊണ്ട് വരുന്നത് പൊതു പ്രവര്ത്തകന് എന്ന കര്ത്തവ്യബോധം മുന്നിര്ത്തിയുള്ളതാണ് . ഇത് അപ്പീല്കോടതി കണ്ടെത്തും എന്ന് ഉറപ്പ് ഉള്ളതിനാലും, കീഴ്കോടതിയുടെ വിധി യുക്തി സഹമല്ലാത്തതിനാലും ഇത് കീഴ്കോടതി വൈകാരികമായി അല്ല, നിയമപരമായും വസ്തുനിഷ്ഠമായും തെളിവുകള് വിലയിരുത്തിയുള്ള നടപടിക്രമങ്ങള് ആയിരുന്നു അവലംബിക്കേണ്ടിയിരുന്നത് എന്ന ഒരു അഭിപ്രായംകൂടി അപ്പീല് കോടതി നടത്തും എന്ന പ്രത്യാശയില്, അപ്പീല് നടപടികളും ആയി മുന്നോട്ട് പോകുമെന്നാണ് വി എസ് പറയുന്നത് .
അപ്പോള് എങ്ങനാ പത്തുലക്ഷം ഇപ്പോള് കിട്ടുമെന്ന് സ്വപ്നം കണ്ടുകൊണ്ടിരുന്നാല് മതി കുഞ്ഞുകുഞ്ഞേ . വി എസ് തരുന്ന പത്തുലക്ഷം കൊണ്ട് നഷ്ടപ്പെട്ട അല്ലെങ്കില് വികൃതമായ മുഖം പുട്ടിയിട്ട് പേഷ്യല് ചെയ്തെടുക്കാമെന്നാ സ്വപ്നം കണ്ടിരുന്നത് .
വ്യക്തിപരമായ ആവശ്യങ്ങള്ക്ക് എടുക്കില്ലന്നും ചാരിറ്റിക്ക് വിനിയോഗിക്കുമെന്നൊക്കെയാണ് തട്ടി വിട്ടത് . വേ എസ് ആരാ മോന് ? വി എസിനോടാ കളി ? ഇനിയെങ്കിലും ഓര്ത്തോ കുഞ്ഞുകുഞ്ഞെ വി എസിനെ ചൊറിയാന് ചെന്നാല് വേ എസ് കളി പഠിപ്പിക്കും .