അമേരിക്കയില് പന്നിയുടെ ഹൃദയം മനുഷ്യനിലേക്ക് മാറ്റിവെച്ച് ചരിത്രം സൃഷ്ടിച്ച ശസ്ത്രക്രിയാ വിദഗ്ധന് ഡോക്ടര് മുഹമ്മദ് മന്സൂര് മൊഹിയുദ്ദീന് വീട്ടില് നിന്ന് പുറത്തായ അവസ്ഥയില് .
ഇസ്ലാമില് നിഷിദ്ധമായ ഒരു മൃഗത്തിന്റെ അവയവം ഉപയോഗിച്ചതിനാണ് സ്വന്തം കുടുംബാംഗങ്ങളില് നിന്ന് അദ്ദേഹത്തിന് കടുത്ത തിരിച്ചടി ലഭിച്ചത്.
യൂണിവേഴ്സിറ്റി ഓഫ് മേരിലാന്ഡ് സ്കൂള് ഓഫ് മെഡിസിനിലെ കാര്ഡിയാക് സെനോട്രാന്സ്പ്ലാന്റേഷന് പ്രോഗ്രാം ഡയറക്ടറാണ് ഡോ.മുഹമ്മദ് മൊഹിയുദ്ദീന്. കനേഡിയന്-അമേരിക്കന് മാസികയോട് സംസാരിക്കവേയാണ് ഡോ. മുഹമ്മദ് മൊഹിയുദ്ദീന് തനിക്ക് കുടുംബത്തില് നിന്ന് ഉണ്ടായ തിരിച്ചടിയെ കുറിച്ച് പറഞ്ഞത്.
“നിങ്ങള് എന്തിനാണ് ഈ മൃഗത്തെ ഉപയോഗിക്കുന്നത് എന്ന് എന്റെ അച്ഛന് എപ്പോഴും എന്നോട് ചോദിക്കാറുണ്ടായിരുന്നു, “നിങ്ങള്ക്ക് മറ്റേതെങ്കിലും മൃഗത്തെ ഉപയോഗിച്ച് നോക്കാമോ?” എന്നും തന്റെ അച്ഛന് അന്വേഷിച്ചുകൊണ്ടിരുന്നു.- ഡോക്ടര് പറഞ്ഞു.
എന്റെ അമ്മയും എനിക്ക് നേരെ ക്ഷോഭിക്കുമായിരുന്നു. തന്റെ കുടുംബത്തില് ‘പന്നി’ എന്ന വാക്ക് നിഷിദ്ധമാണെന്നും അത് പറഞ്ഞാല് പോലും താന് ശിക്ഷിക്കപ്പെടുമെന്നും ഡോക്ടര് പറഞ്ഞു . ഞാന് ഇസ്ലാമിന്റെ എല്ലാ തത്വങ്ങളും പിന്തുടരാന് ശ്രമിക്കുന്നു, അതിനാല് ആ ആശങ്ക എപ്പോഴും എന്റെ മനസ്സിലും ഉണ്ടായിരുന്നു. എന്നാല്, ഈ മൃഗത്തെ ഉപയോഗിക്കാനായി ഞാന് ന്യായവാദം കണ്ടെത്താനും ശ്രമിക്കാറുണ്ടായിരുന്നു,” മൊഹിയുദ്ദീന് പറഞ്ഞു.
ഞാന് സ്ഥിരമായി പന്നിയിറച്ചി കഴിക്കുന്ന ഒരു രാജ്യത്താണ് താമസിക്കുന്നത് എന്നതിനാല്, പാശ്ചാത്യ ലോകത്ത് ഇത് ഒരു ധാര്മ്മിക പ്രശ്നമായിരുന്നില്ല. ഇത് എളുപ്പമായിരുന്നു, “ഡോ മുഹമ്മദ് മന്സൂര് മൊഹിയുദ്ദീന് കൂട്ടിച്ചേര്ത്തു. കറാച്ചിയില് ജനിച്ച ഡോ മൊഹിയുദ്ദീന് മൃഗങ്ങളുടെ അവയവങ്ങള് മാറ്റിവയ്ക്കുന്നതിലെ മുന്നിര വിദഗ്ധരില് ഒരാളാണ്.