കിഴക്കന്‍ പ്രവിശ്യയായ ദിയാലയില്‍ ഇസ്ലാമിക് സ്റ്റേറ്റ് (ഐഎസ്) ഭീകരസംഘടന ഒറ്റരാത്രികൊണ്ട് നടത്തിയ ആക്രമണത്തില്‍ 11 ഇറാഖി സൈനികര്‍ കൊല്ലപ്പെട്ടതായി വെള്ളിയാഴ്ച പോലീസ് അറിയിച്ചു.ദിയാലയുടെ പ്രവിശ്യാ തലസ്ഥാനമായ ബകുബയില്‍ നിന്ന് 60 കിലോമീറ്റര്‍ വടക്കായി ഉദെയിം മേഖലയിലെ സൈനിക ഔട്ട്‌പോസ്റ്റില്‍ ഐഎസ് തീവ്രവാദികള്‍ ആക്രമണം നടത്തി.
അര്‍ദ്ധരാത്രിക്ക് ശേഷം ആക്രമണമുണ്ടായതെന്ന് മുതിര്‍ന്ന പോലീസ് ഉദ്യോഗസ്ഥന്‍ അറിയിച്ചു. ഒരു ഓഫീസര്‍ ഉള്‍പ്പെടെ 11 സൈനികരെ അക്രമികള്‍ കൊലപ്പെടുത്തി. ആക്രമണത്തെത്തുടര്‍ന്ന് ദിയാല പ്രവിശ്യയിലെ ഇറാഖി സുരക്ഷാ സേന അതീവ ജാഗ്രതയിലാണ്, അതേസമയം സംഭവത്തെക്കുറിച്ച്‌ അന്വേഷിക്കാന്‍ പ്രവിശ്യാ ഓപ്പറേഷന്‍സ് കമാന്‍ഡില്‍ നിന്നുള്ള ഉയര്‍ന്ന സുരക്ഷാ ഉദ്യോഗസ്ഥര്‍ സംഭവസ്ഥലത്തെത്തിയിട്ടുണ്ട്.
