അബൂദബി ഇന്ഡസ്ട്രിയല് ഏരിയ മുസഫ ഐകാഡില് ഹൂതി വിമതര് നടത്തിയ ആക്രമണത്തില് മരിച്ച രണ്ട് ഇന്ത്യക്കാരെയും തിരിച്ചറിഞ്ഞതായി ഇന്ത്യന് എംബസി അധികൃതര് അറിയിച്ചു.
എന്നാല്, ഇവരുടെ പേര് വിവരങ്ങള് പുറത്തുവിട്ടിട്ടില്ല.
മരിച്ചവരുടെ ബന്ധുക്കളുമായി ബന്ധപ്പെട്ടുവരികയാണെന്നും മൃതദേഹം നാട്ടിലെത്തിക്കുമെന്നും എംബസി അറിയിച്ചു. ഇതിനായി അബൂദബി നാഷനല് ഓയില് കമ്ബനി അധികൃതരുമായി ചര്ച്ച ചെയ്തുവരികയാണ്. പരിക്കേറ്റ ആറ് പേരില് രണ്ട് ഇന്ത്യക്കാരുണ്ട്. നിസാര പരിക്കേറ്റ ഇവരെ ഇന്നലെ തന്നെ ആശുപത്രിയില് നിന്ന് ഡിസ്ചാര്ജ് ചെയ്തു.
രണ്ട് ഇന്ത്യക്കാരും ഒരു പാക്കിസ്താനിയുമാണ് മരിച്ചത്. ഇന്ധനവും പ്രകൃതിവാതകവും നിറയ്ക്കാനെത്തിയ ടാങ്കര് ജീവനക്കാരാണിവര്. ഇന്നലെ അബൂദബി പെട്രോളിയം സംഭരണ കേന്ദ്രത്തിനു സമീപവും എയര്പോര്ട്ട് നിര്മാണ മേഖലയിലുമാണ് ആക്രമണം ഉണ്ടായത്.