തിരുവനന്തപുരം: ബസ് ചാർജ് വർധന അനിവാര്യമാണെന്ന് ഗതാഗത മന്ത്രി ആന്റണി രാജു. അതേസമയം വിദ്യാർഥികളുടെ കണ്സഷൻ തുടരുമെന്നും മന്ത്രി വ്യക്തമാക്കി. ബസ് ചാർജ് വർധന സംബന്ധിച്ച് ജസ്റ്റീസ് രാമചന്ദ്രൻ കമ്മറ്റിയുമായി നടത്തിയ ചർച്ചയ്ക്കു ശേഷം സംസാരിക്കുകയായിരുന്നു ഗതാഗത മന്ത്രി ആന്റണി രാജു.
ബിപിഎൽ വിദ്യാർഥികൾക്ക് സൗജന്യ യാത്ര പരിഗണിക്കും. കുടുംബ വരുമാനത്തിന് ആനുപാതികമായി കണ്സഷൻ നിജപ്പെടുത്തുന്നതിനാണ് ആലോചന.
രാത്രികാല യാത്രാ ബസുകളുടെ എണ്ണം വർധിപ്പിക്കുമെന്നും നിരക്കിൽ വ്യത്യാസം വരുത്തുമെന്നും ഗതാഗത മന്ത്രി വ്യക്തമാക്കി. ബസ് ചാർജ് വർധനയുമായി ബന്ധപ്പെട്ട വിഷയത്തിൽ ബസുടമകളുമായി ചർച്ച നടത്തുമെന്നും അദ്ദേഹം പറഞ്ഞു.