യുഎഇയില് ഇന്ന് സ്ഥിരീകരിച്ചത് 73 പുതിയ കോവിഡ് കേസുകള്. 30 പേര് രോഗമുക്തി നേടിയതായും യുഎഇ ആരോഗ്യ മന്ത്രാലയം അറിയിച്ചു. കോവിഡ് ബാധയെ തുടര്ന്ന് ഒരാള്ക്കാണ് ഇന്ന് യുഎഇയില് ജീവന് നഷ്ടപ്പെട്ടത്.
741,643 പേര്ക്കാണ് യുഎഇയില് ഇതുവരെ കോവിഡ് സ്ഥിരീകരിച്ചത്. 7,36,423 പേര് രോഗമുക്തി നേടി. 2,145 പേര് കോവിഡിനെ തുടര്ന്ന് മരണമടഞ്ഞു. 3,075 പേര് ചികിത്സയില് കഴിയുന്നുണ്ടെന്നാണ് ആരോഗ്യ മന്ത്രാലയത്തിന്റെ കണക്കുകള് വ്യക്തമാക്കുന്നത്. ഇന്ന് 290,301 കോവിഡ് പരിശോധനകളാണ് യുഎഇയില് നടത്തിയതെന്നും ആരോഗ്യമന്ത്രാലയത്തിന്റെ കണക്കുകള് വ്യക്തമാക്കുന്നു.
0.2 ശതമാനമാണ് യുഎഇയിലെ കോവിഡ് മരണ നിരക്ക്. ആഗോള ശരാശരിയേക്കാള് രണ്ട് ശതമാനം കുറവാണിത്. യുഎഇയില് കോവിഡ് വാക്സിനേഷന് വര്ധിക്കുന്നതിനൊപ്പം രോഗികളുടെ എണ്ണം കുറയുകയാണെന്നാണ് അധികൃതരുടെ വിലയിരുത്തല്. അതേസമയം രാജ്യത്തെ ജനസംഖ്യയുടെ 97 ശതമാനത്തിലധികം പേര്ക്കും കോവിഡ് പ്രതിരോധ വാക്സിന്റെ ഒരു ഡോസ് ലഭിച്ചിട്ടുണ്ടെന്നാണ് ആരോഗ്യ മന്ത്രാലയം വ്യക്തമാക്കുന്നത്.