പനാജി: മുംബൈ സിറ്റിക്ക് ഐഎസ്എൽ സീസണിൽ ഗംഭീര തുടക്കം. ഇന്ന് നടന്ന മത്സരത്തിൽ എഫ്സി ഗോവയെ എതിരില്ലാത്ത മൂന്ന് ഗോളുകൾക്ക് മുംബൈ കീഴടക്കി.
അംഗുളോയുടെ ഇരട്ട ഗോളുകളിലാണ് മുംബൈയുടെ മിന്നും ജയം. മത്സരത്തിന്റെ 33-ാം മിനിറ്റിൽ ലഭിച്ച പെനാൽറ്റി അംഗുളോ ലക്ഷ്യത്തിലെത്തിച്ചു. ഈ ഗോളിന് പിന്നാലെ 36-ാം മിനിറ്റിൽ വീണ്ടും അംഗുളോ ഗോവയുടെ വല കുലുക്കി.
രണ്ടാം പകുതിയിൽ ബ്രസീൽ താരം കറ്റാറ്റു മൂന്നാം ഗോളും നേടി മുംബൈ ജയം ഉറപ്പിച്ചു.
