ബൊഗാട്ട: വര്ഷങ്ങളായി കൊളംബിയന് സുരക്ഷ ഉദ്യോഗസ്ഥരുടെ ഉറക്കം കെടുത്തിയ ലഹരി മാഫിയ തലവന് ഒട്ടോണിയേലിനെ അമേരിക്കയ്ക്ക് കൈമാറും. കൊളംബിയന് പ്രതിരോധ മന്ത്രി ഡീഗോ മൊളാനോ എല് തിംപോയാണ് ഇക്കാര്യം അറിയിച്ചത്.
അമേരിക്കയ്ക്ക് കൈമാറുന്നതിന് മുന്നോടിയായി ഒട്ടോണിയലിനെ തലസ്ഥാനമായ ബൊഗോട്ടയിലെ സൈനിക താവളത്തിലേക്ക് മാറ്റിയിരിക്കുകയാണ്. 2003നും 2014നും ഇടയില് ഒട്ടോണിയല് അമേരിക്കയിലേക്ക് 73 മെട്രിക് ടണ് കൊക്കൈയ്ന് കയറ്റുമതി ചെയ്തിട്ടുണ്ടെന്നാണ് അമേരിക്കയുടെ ആരോപണം. ഇയാളെ കുറിച്ച് വിവരം നല്കുന്നവര്ക്ക് അഞ്ച് മില്യണ് ഡോളര് അമേരിക്ക പാരിതോഷികം പ്രഖ്യാപിച്ചിരുന്നു.