കുവൈത്ത് സിറ്റി: കുവൈത്തില് മലയാളിയുടെ മൃതദേഹം ഒഴിഞ്ഞ കെട്ടിടത്തില് കണ്ടെത്തി. കോട്ടയം വേലൂര് സ്വദേശി മാളിയേക്കല് നസിയ മന്സിലില് മുഹമ്മദ് അന്സാര് (45) ആണ് മരിച്ചത്. ഒരുമാസം മുമ്ബാണ് കാണാതായത്. അന്നുമുതല് സുഹൃത്തുക്കളും സാമൂഹിക പ്രവര്ത്തകരും അന്വേഷിച്ചുവരികയായിരുന്നു. റെഡിമെയ്ഡ് ഷോപ്പിലായിരുന്നു ജോലി.
മൃതദേഹം കണ്ടെത്തിയതിന് സമീപത്തെ ഒഴിഞ്ഞ സ്ഥലത്ത് ഇദ്ദേഹം ഇരിക്കാറുണ്ടായിരുന്നു എന്ന വിവരത്തിന്റെ അടിസ്ഥാനത്തിലാണ് ഈ ഭാഗത്ത് കൂടുതല് അന്വേഷണം നടത്തിയത്. ബുധനാഴ്ച കണ്ടെത്തിയ മൃതദേഹം അന്സാറിന്റെ താണെന്ന് ഞായറാഴ്ച ഫോറന്സിക് പരിശോധനയില് സ്ഥിരീകരിച്ചു. പിതാവ്: മുഹമ്മദ് ഇബ്രാഹിം. മാതാവ്: ബീമ ബീവി. ഭാര്യ ദുബൈയില് നഴ്സ് ആണ്. രണ്ട് മക്കള് നാട്ടിലുണ്ട്.