തിരുവനന്തപുരം: കാഷ്മീരിലെ പൂഞ്ചില് വീരമൃത്യു വരിച്ച മലയാളി സൈനികന് എച്ച്. വൈശാഖിന്റെ മൃതദേഹം ബുധനാഴ്ച രാത്രിയോടെ തിരുവനന്തപുരത്ത് എത്തിച്ചു. മന്ത്രി കെ.എന്. ബാലഗോപാല് സംസ്ഥാന സര്ക്കാരിനായി അന്തിമോപചാരം അര്പ്പിച്ചു. പാങ്ങോട് സൈനിക ക്യാമ്ബില് എത്തിക്കാനായി ജില്ലാ കളക്ടര്, സൈനിക ഉദ്യോഗസ്ഥര് എന്നിവര് ചേര്ന്ന് മൃതദേഹം ഏറ്റുവാങ്ങി . ഔദ്യോഗിക ബഹുമതികളോടെ കൊല്ലം ഓടനാവട്ടം കുടവട്ടൂരിലെ വീട്ടുവളപ്പില് സംസ്കാരം വ്യാഴാഴ്ച്ച നടക്കും.