ന്യൂഡല്ഹി: മുഴുവന് ലോകരാഷ്ട്രങ്ങള്ക്കും അഫ്ഗാനില് മാറ്റം കൊണ്ടുവരാന് ഉത്തരവാദിത്വമുണ്ടെന്ന് പ്രധാനമന്ത്രി നരേന്ദ്ര മോദി. അഫ്ഗാനിസ്ഥാന് തീവ്രവാദത്തിന്റെയും ഭീകരവാദത്തിന്റെയും ഉറവിടമാകില്ലെന്ന് അന്താരാഷ്ട്ര സമൂഹം ഉറപ്പുവരുത്തണമെന്നും, മേഖലയില് ഭീകരവാദത്തിനും മയക്കുമരുന്നുകളുടെയും ആയുധങ്ങളുടെയും കള്ളക്കടത്തിനും എതിരായുള്ള സംയുക്ത പോരാട്ടം ശക്തിപ്പെടുത്തണമെന്നും അദ്ദേഹം പറഞ്ഞു. ജി20 ഉച്ചകോടിയില് സംസാരിക്കുകയായിരുന്നു പ്രധാനമന്ത്രി.
കൂടാതെ അഫ്ഗാനിസ്ഥാന് അടിയന്തര സഹായം നല്കണമെന്നും എല്ലാവരെയും ഉള്ക്കൊള്ളുന്ന ഭരണകൂടവും ഉണ്ടാവണമെന്നും മോദി ആവശ്യപ്പെട്ടു.