നെടുമുടി വേണുവിന്റെ മൃതദേഹം വീട്ടിൽ എത്തിച്ചു; സംസ്‌കാരം നാളെ രണ്ട് മണിക്ക്

അന്തരിച്ച നടൻ നെടുമുടി വേണുവിന്റെ മൃതദേഹം തിരുവനന്തപുരം കുണ്ടമൻ കടവിലെ വീട്ടിൽ എത്തിച്ചു. വൈകിട്ടോടെയാണ് മൃതദേഹം വീട്ടിൽ എത്തിച്ചത്. നാളെ രാവിലെ 10.30 മുതൽ 12.30 വരെ അയ്യങ്കാളി ഹാളിൽ മൃതദേഹം പൊതുദർശനത്തിന് വയ്ക്കും.

ദേഹാസ്വാസ്ഥ്യത്തെ തുടർന്ന് ഞായറാഴ്ചയാണ് നെടുമുടി വേണുവിനെ ആശുപത്രിയിൽ പ്രവേശിപ്പിച്ചത്. തുടർന്ന് ആരോഗ്യസ്ഥിതി മോശമാകുകയും ഇന്ന് ഉച്ചയോടെ മരണം സംഭവിക്കുകയുമായിരുന്നു. സിനിമയിലേയും സാമൂഹിക, സാംസ്‌കാരിക, രാഷ്ട്രീയ രംഗത്തേയും നിരവധി പേർ നെടുമുടി വേണുവിനെ അനുസ്മരിച്ചു.