ഡല്ഹി;രാജ്യത്തെ വൈദ്യുതനിലയങ്ങളിലേക്കുള്ള കല്ക്കരി ക്ഷാമത്തില് പ്രതികരണവുമായി കേന്ദ്രസര്ക്കാര്.നേരത്തെ കല്ക്കരിക്ഷാമം മൂലം രണ്ട് ദിവസം പവര്കട്ട് ഏര്പ്പെടുത്തുമെന്ന് ഡല്ഹി അറിയിച്ചിരുന്നു. പഞ്ചാബിലും ഇപ്പോള് വൈദ്യുതിമുടക്കം പതിവാണ്. ഡല്ഹിയിലെ രണ്ട് വൈദ്യുതിനിലയങ്ങളില് ഉല്പാദനത്തിനായി ഗ്യാസ് എത്തിക്കുമെന്ന് ഓയില് മിനിസ്റ്ററി അറിയിച്ചു.
ഇതിന് പുറമേ രാജ്യത്തെ ഏറ്റവും വലിയ ൈവദ്യുതി ഉല്പാദകരായ എന്.ടി.പി.സി കല്ക്കരി ഉല്പാദനം വര്ധിപ്പിക്കാന് നിര്ദേശിച്ചിട്ടുണ്ട്. പ്രധാനമായും മൂന്ന് കാരണങ്ങള്കൊണ്ടാണ് രാജ്യത്ത് കല്ക്കരി ക്ഷാമം അനുഭവപ്പെടുന്നതെന്നാണ് കേന്ദ്രസര്ക്കാറിന്റെ വിശദീകരണം. കോവിഡ് പ്രതിസന്ധിയില് നിന്നും സമ്പദ്വ്യവസ്ഥ കരകയറുന്നതിനാല് വൈദ്യുതി ഉപഭോഗം വര്ധിച്ചത് കല്ക്കരിയുടെ ആവശ്യകത കൂട്ടി. രാജ്യത്തെ വൈദ്യുത ഉപഭോഗം പ്രതിദിനം 4 ബില്യണ് യൂണിറ്റായി വര്ധിച്ചുവെന്നും കേന്ദ്രസര്ക്കാര് വ്യക്തമാക്കുന്നു.