വാഷിംഗ്ടണ്‍: അഞ്ചു മുതല്‍ പതിനൊന്ന് വരെ പ്രായമുള്ളവര്‍ക്ക് കോവിഡ് വാക്സിന്‍ നല്‍കാന്‍ ഫൈസര്‍/ബയോണ്‍ടെക് യുഎസ് റെഗുലേറ്ററി അധികൃതരുടെ അനുമതി തേടി. അനുമതി ലഭിച്ചാല്‍ ഒരാഴ്ചയ്ക്കുള്ളില്‍ വാക്സിന്‍ വിതരണം ആരംഭിക്കുമെന്ന് ഫൈസര്‍ അറിയിച്ചു. 5-11 വരെ പ്രായമുള്ള 2,268 പേരില്‍ നടത്തിയ പരീക്ഷണത്തിന്‍റെ വിവരങ്ങളുമായാണ് യുഎസ് ഫുഡ് ആന്‍ഡ് ഡ്രഗ് അഡ്മിനിസ്ട്രേഷനില്‍ ഫൈസര്‍ അപേക്ഷ സമര്‍പ്പിച്ചിരിക്കുന്നത്. കുട്ടികളില്‍ ഗുരുതര പാര്‍ശ്വഫലമില്ലെന്നാണ് ഫൈസറിന്‍റെ വാദം.
അഞ്ചു മുതല്‍ 11 വരെ വയസുള്ളവര്‍ക്ക് കോവിഡ് വാക്സിന്‍; യുഎസില്‍ ഫൈസര്‍ അനുമതി തേടി
