തിരുവനന്തപുരം: ഇനി മുതല്‍ കെഎസ്‌ആര്‍ടിസി ദീര്‍ഘദൂര ലോ ഫ്ലോര്‍ ബസുകളിലും ബംഗളൂരിലേക്കുള്ള വോള്‍വോ, സ്കാനിയ ബസുകളിലും ഇരുചക്ര വാഹനങ്ങള്‍ യാത്രക്കാരുടെ കൂടെ കൊണ്ടുപോകാന്‍ സൗകര്യമൊരുക്കുമെന്ന് ഗതാഗത മന്ത്രി ആന്‍റണി രാജു അറിയിച്ചു. ഇബൈക്ക്, ഇ സ്കൂട്ടര്‍, സൈക്കിള്‍ തുടങ്ങിയ ഇരുചക്ര വാഹനങ്ങള്‍ ആണ് ഇത്തരത്തില്‍ കൊണ്ടുപോകാന്‍ സാധിക്കുക.
എന്നാല്‍ ഇത് അനുവദിക്കുന്നത് ഒരു നിശ്ചിത തുക ഈടാക്കിയാണ്. ഇതിനുള്ള സൗകര്യം നവംബര്‍ ഒന്നു മുതല്‍ ഒരുക്കുമെന്നും മന്ത്രി കൂട്ടിച്ചേര്‍ത്തു.
മുഖ്യമായും ഈ പദ്ധതി നടപ്പിലാക്കുന്നത് അന്തരീക്ഷ മലിനീകരണമില്ലാത്ത ആരോഗ്യപ്രദമായ യാത്രയ്ക്ക് പ്രേരിപ്പിക്കുക എന്ന നയത്തിന്‍റെ ഭാഗമായാണെന്നും മന്ത്രി ചൂണ്ടിക്കാട്ടി.
ഇനി ഇരുചക്രവാഹനങ്ങളും കെഎസ്‌ആര്‍ടിസി ബസുകളില്‍ കൊണ്ടുപോകാം എന്ന് ഗതാഗത മന്ത്രി ആന്‍റണി രാജു
