വാഷിങ്ടണ്‍: അമേരിക്കയില്‍ ഫൈസര്‍ വാക്സിന്‍റെ ബൂസ്റ്റര്‍ ഡോസിന് അനുമതി.65 വയസിന് മുകളിലുള്ളവര്‍ക്കും ഗുരുതര രോഗമുള്ളവര്‍ക്കുമാണ് ബൂസ്റ്റര്‍ ഡോസ് നല്‍കുക. രണ്ടാം ഡോസെടുത്ത് ആറ് മാസത്തിന് ശേഷമാവും ബൂസ്റ്റര്‍ ഡോസ് നല്‍കുക. ന്യൂയോര്‍ക്ക് ടൈംസാണ് വാര്‍ത്ത റിപ്പോര്‍ട്ട് ചെയ്തത്.
വാക്സിന്‍റെ ബൂസ്റ്റര്‍ ഡോസ് നല്‍കുന്നതിനായി പ്രത്യേക ക്യാമ്ബ് സംഘടിപ്പിക്കുമെന്ന് യു.എസ് അറിയിച്ചു. 10 മില്യണ്‍ ആളുകള്‍ക്കെങ്കിലും ആദ്യഘട്ടത്തില്‍ ബൂസ്റ്റര്‍ ഡോസ് ആവശ്യമായി വരുമെന്നാണ് അമേരിക്ക കണക്കാക്കുന്നത്. ഇവര്‍ക്ക് വാക്സിന്‍ നല്‍കാനുള്ള ക്രമീകരണം ഉടന്‍ ഒരുക്കുമെന്നാണ് സൂചന.
