അപ്രതീക്ഷിതമായുണ്ടായ മിന്നല് ചുഴലിക്കാറ്റില് പുത്തൂര് പഞ്ചായത്തില് നഷ്ടം സംഭവിച്ചവര്ക്കുള്ള ആദ്യഘട്ട സഹായമ വിതരണം ചെയ്തു. വിതരണോദ്ഘാടനം മന്ത്രി കെ. രാജന് നിര്വഹിച്ചു. പുത്തൂര് വില്ലേജുകളിലെ 31 വീട്ടുകാര്ക്കു 14,22,100 രൂപയുടെ ധനസഹായമാണു നല്കിയത്.
ഇതില് നാലു പേര്ക്കു കന്നുകാലി തൊഴുത്തിനു നാശനഷ്ടം സംഭവിച്ചതിനുള്ള ധനസഹായം വിതരണം ചെയ്തു. വീടുകള്ക്കു നാശനഷ്ടം സംഭവിച്ച രണ്ടു കുടുംബങ്ങള്ക്കു 52,700 രൂപ, തൊഴുത്തു നഷ്ടമായ നാലുപേര്ക്കു 2100 രൂപ, പട്ടയമില്ലാത്ത ഭൂമിയില് ഭാഗികമായി തകര്ന്ന വീടുകള്ക്കു 65,02,00 രൂപയും വീടിനു നാശനഷ്ടം സംഭവിച്ചവര്ക്കു 76, 35,00 രൂപയുമാണു വിതരണം ചെയ്തത്. അതെ സമയം ചുഴലിക്കാറ്റിന്റെ കാരണം പരിശോധിക്കാന് കേന്ദ്ര കാലാവസ്ഥാ വകുപ്പിന് നിര്ദ്ദേശം നല്കിയതായും ഉദ് ഘാടന പ്രസംഗത്തില് മന്ത്രി പറഞ്ഞു.