ദുഷാംബെ: അഫ്ഗാന്‍ പ്രശ്നത്തില്‍ ഇറാന്‍, അര്‍മേനിയ, ഉസ്ബക്കിസ്ഥാന്‍ വിദേശകാര്യമന്ത്രിമാരുമായി ഇന്ത്യന്‍ വിദേശകാര്യമന്ത്രി എസ്. ജയശങ്കര്‍ ചര്‍ച്ച നടത്തി. കൂടാതെ മധ്യേഷ്യ നേരിടുന്ന വെല്ലുവിളികളും ഉഭയകക്ഷി സഹകരണം വര്‍ധിപ്പിക്കലും ചര്‍ച്ചാ വിഷയമായി. താജിക്കിസ്ഥാന്‍റെ തലസ്ഥാനമായ ദുഷാംബെയില്‍ നടക്കുന്ന ഇരുപതാമത് ഷാംഗ്ഹായ് സഹകരണ സമിതി വാര്‍ഷിക ഉച്ചകോടിയില്‍ പങ്കെടുക്കവേ ആണ് ഈ ചര്‍ച്ചകള്‍ നടന്നത്.
ഈ പരുപാടിയിലൂടെ ഉഭയകക്ഷി ബന്ധം വിലയിരുത്തുകയും ശക്തിപ്പെടുത്തുന്നതിനു നടപടികളെടുക്കാന്‍ ധാരണയാവുകയും ചെയ്തു എന്നും അദ്ദേഹം വെളിപ്പെടുത്തി .
