കൊല്ലം: രാജ്യത്തെ ആദ്യത്തെ വെറ്ററിനറി നഴ്സിംഗ് കോളേജ് കേരളത്തില് ദ ആരംഭിക്കുമെന്ന് മന്ത്രി ജെ. ചിഞ്ചുറാണി. ഇതിന്റെ സാധ്യതാ പാഠ്യപദ്ധതി, ഉള്ളടക്കം, കോഴ്സിന്റെ കാലാവധി, അനുബന്ധ കോഴ്സുകള്ക്കുള്ള സാധ്യത തുടങ്ങിയവ പരിശോധിച്ച് റിപ്പോര്ട്ട് സമര്പ്പിക്കാന് കഴിഞ്ഞ ദിവസം പൂക്കോട് വെറ്ററിനറി സര്വകലാശാല സന്ദര്ശിച്ച മന്ത്രി ജെ. ചിഞ്ചുറാണി സര്വകലാശാലാ അധികൃതര്ക്ക് നിര്ദേശം നല്കിയിരുന്നു.
മൃഗസംരക്ഷണ മേഖലയില് മൃഗങ്ങളെ പരിശോധിക്കാനും ചികിത്സിക്കാനും നിലവില് വെറ്ററിനറി ഡോക്ടര്മാര് മാത്രമാണുള്ളത്. ഇവരെ സഹായിക്കാന് ചികിത്സാ മേഖലയുമായി ബന്ധപ്പെട്ട പരിജ്ഞാനമുള്ള മറ്റാരുമില്ല. ഇത് വെറ്ററിനറി ഡോക്ടര്മാരുടെ ജോലിഭാരം വര്ധിപ്പിക്കുകയും, യഥാസമയം മൃഗങ്ങള്ക്ക് ചികിത്സ ലഭ്യമാകാത്ത സാഹചര്യം ഉണ്ടാക്കുകയും ചെയ്യുന്നു.ഡോക്ടര്മാര്ക്ക് സഹായമാകുന്നതോടൊപ്പം യുവജനങ്ങള്ക്ക് പുതിയ തൊഴിലവസരം സൃഷ്ടിക്കാനും വെറ്ററിനറി നഴ്സിംഗ് കോഴ്സ് ആരംഭിക്കുന്നതോടെ കഴിയുമെന്ന് മന്ത്രി വ്യക്തമാക്കി.