കൊച്ചി: റവന്യൂ വകുപ്പിലെ മുഴുവന് ഒഴിവുകളും റിപ്പോര്ട്ട് ചെയ്യാന് ഉത്തരവ്. 14 ജില്ലകളിലുമായി 340 പ്രതീക്ഷിത ഒഴിവുകള് അടിയന്തരമായി പി.എസ്.സിക്ക് റിപ്പോര്ട്ട് ചെയ്യും. നിയമനാധികാരികള് ഒഴിവുകള് യഥാസമയം പി.എസ്.സിക്ക് റിപ്പോര്ട്ട് ചെയ്ത വിവരം സര്ക്കാറിനെ അറിയിക്കണമെന്നാണ് ഉത്തരവ്.
ലാന്ഡ് റവന്യൂ കമീഷണര് ജൂലൈ 16ന് നല്കിയ റിപ്പോര്ട്ടിെന്റ അടിസ്ഥാനത്തിലാണ് സര്ക്കാര് ഉത്തരവിറക്കിയത്. റിപ്പോര്ട്ട് പ്രകാരം വിവിധ വകുപ്പുകളില് ക്ലര്ക്ക്, വില്ലേജ് അസിസ്റ്റന്റ് തസ്തികയില് നിയമനം നല്കുന്നതിനായി പി.എസ്.സി തയാറാക്കിയ പട്ടികയുടെ കാലാവധി ആഗസ്റ്റ് നാലിന് അവസാനിപ്പിക്കും. അതിനാല് സ്ഥാനക്കയറ്റം വഴി ഉണ്ടാകുന്ന ഒഴിവുകള് സര്ക്കാര് ഉത്തരവുകള് പ്രകാരം അടിയന്തരമായി റിപ്പോര്ട്ട് ചെയ്യണം.
അതിന് ഡെപ്യൂട്ടി കലക്ടര്, തഹസില്ദാര്, സീനിയര് സൂപ്രണ്ട് എന്നീ തസ്തികയിലേക്കുള്ള സ്ഥാനക്കയറ്റം നടന്നതിെന്റ അടിസ്ഥാനത്തിലും ജൂണ് 30വരെ റവന്യൂ വകുപ്പില് വിവിധ തസ്തികകളില് വിരമിക്കല് മൂലമുണ്ടായ ഒഴിവുകളുടെ അടിസ്ഥാനത്തില് തഹസില്ദാര് മുതല് സീനിയര് ക്ലര്ക്ക് വരെയുള്ള തസ്തികയില് തിട്ടപ്പെടുത്തി. തഹസില്ദാര് -ഒമ്ബത്, ഡെപ്യൂട്ടി തഹസില്ദാര് -168, വില്ലേജ് ഓഫിസര്/ഹെഡ് ക്ലര്ക്ക് / റവന്യൂ ഇന്സ്പെക്ടര് -71, സീനിയര് ക്ലര്ക്ക് -92 എന്നിങ്ങനെയാണ് ഒഴിവുകള്.
പ്രവേശന തസ്തികയില്നിന്ന് സ്ഥാനക്കയറ്റം കിട്ടാന് യോഗ്യത നേടിയ ജീവനക്കാരുടെ പട്ടിക കലക്ടര്മാരില്നിന്ന് ലഭിച്ചതിെന്റ അടിസ്ഥാനത്തില് തിരുവനന്തപുരം -25, കൊല്ലം -19, പത്തനംതിട്ട -20, ആലപ്പുഴ -32, കോട്ടയം -32, ഇടുക്കി -27, എറണാകുളം -42, തൃശൂര് -18, പാലക്കാട് -23, കോഴിക്കോട് -14, മലപ്പുറം -36, കണ്ണൂര് -21, വയനാട് -12, കാസര്േകാട് -19 എന്നിങ്ങനെയാണ് ഒഴിവുകള്. 2017 നവംബര് 20ലെ സീനിയോറിറ്റി ലിസ്റ്റിലെ 21132ാം റാങ്ക് വരെയുള്ളവരില് യോഗ്യരായ ക്ലര്ക്കുമാരെയാണ് സ്ഥാനക്കയറ്റത്തിനായി പരിഗണിച്ചിട്ടുള്ളത്.
അതിെന്റ അടിസ്ഥാനത്തില് കലക്ടര്മാര് പ്രതീക്ഷിത ഒഴിവുകള് കണക്കാക്കുമ്ബോള് തസ്തികമാറ്റ നിയമനം, അറ്റന്ഡര്/വില്ലേജ് ഫീല്ഡ് അസിസ്റ്റന്റുമാരുടെ സ്ഥാനക്കയറ്റം, അന്തര് ജില്ല/ അന്തര് വകുപ്പ് സ്ഥലംമാറ്റം, ആശ്രിത നിയമനം, മറ്റു വിവരങ്ങള് എന്നിവക്കായി ഒഴിവുകള് കണക്കാക്കി നീക്കിവെക്കണം. അവശേഷിക്കുന്ന ഒഴിവുകള് പി.എസ്.സിക്ക് റിപ്പോര്ട്ട് ചെയ്യണമെന്നാണ് ലാന്ഡ് റവന്യൂ കമീഷണര് റിപ്പോര്ട്ട് നല്കിയത്. അതിെന്റ അടിസ്ഥാനത്തിലാണ് ഉത്തരവ്.