ടോക്കിയോ: ഒളിമ്പിക്സ് ബാഡ്മിന്റണില് പുരുഷ ഡബിള്സില് ഇന്ത്യക്ക് ജയം. ഇന്നലെ നടന്ന മത്സരത്തില് സാത്വിക്രാജ് ചിരാഗ് ഷെട്ടി സഖ്യം ചൈനീസ് തായ്പേയുടെ യാംഗ് ലീ-ചി ലിന് വാംഗ് സഖ്യത്തെ തോല്പ്പിച്ചു. ഗ്രൂപ്പ് എയില് നടന്ന ആവേശകരമായ മത്സരത്തില് ഇന്ത്യന് ടീം തകര്പ്പന് പ്രകടനമാണ് നടത്തിയത്.
ലോക മൂന്നാം നമ്പര് ടീമിനെയാണ് ലോക പത്താം നന്പറുകളായ രങ്കറെഡ്ഡി-ഷെട്ടി സഖ്യം തോല്പ്പിച്ചത്. 21-16, 16-21, 27-25 എന്ന സ്കോറിനാണ് അവര് വിജയം സ്വന്തമാക്കിയത്. ഇന്ത്യന് സഖ്യത്തിന്റെ ആദ്യ ഒളിന്പിക്സാണിത്.
എന്നാല് പുരുഷ സിംഗിള്സ് മത്സരത്തില് ഇന്ഡയുടെ സായ് പ്രണീതിന് തോല്വി. ഗ്രൂപ്പ് ഡിയില് 45-ാം റാങ്കിലുള്ള ഇസ്രയേലിന്റെ മിഷാ സില്ബെര്മാന് ആണ് സായിയെ തോല്പ്പിച്ചത്. നേരിട്ടുള്ള സെറ്റുകള്ക്കായിരുന്നു വിജയം. സ്കോര്: 21-17, 21-15