ക്യൂബയ്‌ക്കെതിരെ വീണ്ടും വിലക്കുമായി അമേരിക്ക. ക്യൂബന്‍ സുരക്ഷ ഉദ്യോഗസ്​ഥനും ആഭ്യന്തര മന്ത്രാലയ സേനക്കും ​ യു.എസ്​ ഉപരോധം പ്രഖ്യാപിച്ചു. 78കാരനായ ക്യൂബന്‍ സുരക്ഷാ ഉദ്യോഗസ്​ഥന്‍ അല്‍വാരോ ലോപസ്​ മിയറയ്‌ക്കാണ് അമേരിക്ക ഉപരോധം ഏര്‍പ്പെടുത്തിയത്. ​

ജോ ബൈഡന്‍ അധികാരത്തിലെത്തിയ ശേഷം ആദ്യമായാണ്​ ക്യൂബന്‍ സര്‍ക്കാറിനെ സമ്മര്‍ദത്തിലാക്കി പുതിയ ഉപരോധം പ്രഖ്യാപിക്കുന്നത്​.മുന്‍ പ്രസിഡന്‍റ്​ ട്രംപ്​ സ്വീകരിച്ച കടുത്ത സമീപനം പിന്‍ഗാമിയും തുടരുന്നുവെന്ന സൂചനയാണ്​ ബൈഡ​ന്റെ പ്രഖ്യാപനം.

ഉപരോധം സംബന്ധിച്ച്‌ യുഎസിന്റെ പ്രഖ്യാപനങ്ങള്‍ അമേരിക്ക തള്ളി. നിയ​ന്ത്രണങ്ങള്‍ വരുത്തേണ്ടിയിരുന്നത്​ അമേരിക്കന്‍ ഉദ്യോഗസ്​ഥര്‍ക്കും സേനക്കുമായിരുന്നുവെന്നാണ് ക്യൂബ പ്രതികരിച്ചത്. ഒരാഴ്​ച മുമ്ബ്​ ക്യൂബയില്‍ ഭരണകൂടത്തിനെതിരെ ജനം തെരുവിലിറങ്ങിയതിനെ യു.എസ്​ സ്വാഗതം ചെയ്​തിരുന്നു. വാക്സിന്‍ ക്ഷാമത്തിനെതിരെയും സാമ്ബത്തിക അരാജകത്വത്തിനെതിരെയുമാണ് ക്യൂബന്‍ ജനത തെരുവിലിറങ്ങിയത്.