ന്യൂഡല്ഹി: ജീവനക്കാരോട് അവധിയെടുക്കാന് നിര്ദേശിച്ച് മൈക്രോസോഫ്റ്റ് ഇന്ത്യ പ്രസിഡന്റ് ആനന്ദ് മഹേശ്വരി. ചെറിയ ഇടവേളകള് എടുക്കേണ്ടതിന്റെ ആവശ്യകത ഓര്മിപ്പിച്ചാണ് മൈക്രോസോഫ്റ്റ് പ്രസിഡന്റിന്റെ ട്വീറ്റ്. പുതിയ ട്വീറ്റിലൂടെ ഇന്ത്യയിലെ ഏറ്റവും മികച്ച തൊഴിലുടമയാണെന്ന് ഒരിക്കല് കൂടി തെളിയിച്ചിരിക്കുകയാണ് മൈക്രോസോഫ്റ്റ്.
ജോലിയില് നിന്ന് ചെറിയൊരു ഇടവേളയെടുക്കു. പ്രിയപ്പെട്ടവരോടൊപ്പം കുറച്ച് സമയം ചെലവഴിക്കു. അതിന് ശേഷം കൂടുതല് ഉൗര്ജസ്വലതയോടെ തിരിച്ചു വരുവെന്ന് മൈക്രോസോഫ്റ്റ് പ്രസിഡന്റ് ട്വിറ്ററില് കുറിച്ചു. നിങ്ങളുടെ ക്ഷേമമാണ് ഞങ്ങള്ക്ക് പ്രധാനമെന്നും അദ്ദേഹം വ്യക്തമാക്കി.
അതേസമയം, കോവിഡ് കാലത്ത് ജീവനക്കാര് പ്രത്യേക ആനുകൂല്യം നല്കാന് മൈക്രോസോഫ്റ്റിന് പദ്ധതിയുണ്ടെന്നാണ് റിപ്പോര്ട്ടുകള്. 1.12 ലക്ഷം രൂപയായിരിക്കും മൈക്രോസോഫ്റ്റ് വിതരണം ചെയ്യുക. വൈസ് പ്രസിഡന്റ് പോസ്റ്റ് താഴെയുള്ള ജീവനക്കാര്ക്കായിരിക്കും കോവിഡുകാലത്തേക്കുള്ള ബോണസ് നല്കുക. 175,508 ജീവനക്കാരാണ് മൈക്രോസോഫ്റ്റിന് ലോകവ്യാപകമായി ഉള്ളത്. കോവിഡിനെ തുടര്ന്ന് ഓഫീസുകള് തുറക്കുന്നത് സെപ്തംബര് വരെ മൈക്രോസോഫ്റ്റ് ദീര്ഘപ്പിച്ചിരുന്നു.