കൊളംബോ: മലയാളിതാരം സഞ്ജു സാംസണ് ഉള്‍പ്പടെ അഞ്ച് പുതുമുഖ താരങ്ങളെ ഉള്‍പ്പെടുത്തി ശ്രീലങ്കക്കെതിരായ മൂന്നാം ഏകദിനത്തിനുള്ള ടീമിനെ പ്രഖ്യാപിച്ച്‌ ഇന്ത്യ. സഞ്ജു സാംസണ് പുറമേ നിധീഷ് റാണ, രാഹുല്‍ ചഹര്‍, ചേതന്‍ സക്കരിയ, കൃഷ്ണപ്പ ഗൗതം എന്നിവരും ഇന്ന് ആദ്യമായി ഏകദിന ക്രിക്കറ്റില്‍ അരങ്ങേറ്റം കുറിക്കും.
ശ്രീലങ്കക്കെതിരായ ഏകദിന പരമ്ബരയില്‍ ആദ്യത്തെ രണ്ട് മത്സരവും ഇന്ത്യ ജയിച്ചിരുന്നു. പരിക്കിനെ തുടര്‍ന്നാണ് സഞ്ജു സാംസണെ ആദ്യത്തെ രണ്ട് മത്സരങ്ങളില്‍ നിന്നും ഒഴിവാക്കിയത്. ശിഖര്‍ ധവാന്‍റെ നായകത്വത്തില്‍ രാഹുല്‍ ദ്രാവിഡ് പരിശീലിപ്പിക്കുന്ന ഇന്ത്യയുടെ യൂത്ത് ടീമാണ് ശ്രീലങ്കക്കെതിരായ പരമ്ബരയില്‍ കളിക്കുന്നത്.
വിരാട് കോഹ്ലിയുടെ നേതൃത്വത്തിലുള്ള ഇന്ത്യയുടെ ഒന്നാംനിര താരങ്ങളുടെ ടീം ഇംഗ്ലണ്ട് പര്യടനത്തിലാണ്. ശ്രീലങ്കയിലേക്ക് രണ്ടാംനിര ടീമിനെ അയച്ച ഇന്ത്യയുടെ നടപടിക്കെതിരെ വിമര്‍ശനവുമായി ശ്രീലങ്കന്‍ ഇതിഹാസതാരം അര്‍ജുന രണതുംഗ രംഗത്തെത്തിയിരുന്നു.
സഞ്ജു സാംസണ് ഏകദിന അരങ്ങേറ്റം; ലങ്കക്കെതിരായ മൂന്നാം ഏകദിനത്തില്‍ അഞ്ച് പുതുമുഖങ്ങള്‍
