തിരുവനന്തപുരം: വധഭീഷണി ഊമക്കത്ത് ലഭിച്ച സംഭവത്തില് അന്വേഷണം സിബിഐക്കോ മറ്റേതെങ്കിലും ഏജന്സിക്കോ കൈമാറണമെന്ന് ആവശ്യപ്പെട്ട് എംഎല്എ തിരുവഞ്ചൂര് രാധാകൃഷ്ണന് മുഖ്യമന്ത്രിക്ക് കത്തയച്ചു.
തനിക്ക് പോലീസ് അന്വേഷണത്തില് തൃപ്തിയില്ല. കേസില് കോട്ടയം വെസ്റ്റ് പോലീസിന്റെ അന്വേഷണത്തില് പുരോഗതിയുണ്ടായില്ല. അതിനാല് അന്വേഷണം മറ്റൊരു ഏജന്സിക്കു കൈമാറണമെന്നും തിരുവഞ്ചൂര് രാധാകൃഷ്ണന് കത്തില് ആവശ്യപ്പെട്ടു.
കഴിഞ്ഞ മാസമാണ് തിരുവഞ്ചൂര് രാധാകൃഷ്ണന് പത്ത് ദിവസത്തിനകം ഇന്ത്യ വിട്ടില്ലെങ്കില് ഭാര്യയെയും മക്കളെയും ഉള്പ്പെടെ വകവരുത്തുമെന്ന് വധഭീഷണി ഊമക്കത്ത് ലഭിച്ചത്.