കൊച്ചി: ലിംഗമാറ്റ ശസ്ത്രക്രിയയില് പിഴവ് നേരിട്ടതായി ആരോപണമുന്നയിച്ച ട്രാന്സ്ജെന്ഡര് യുവതി അനന്യ കുമാരി അലക്സിനെ ജീവനൊടുക്കിയ നിലയില് കണ്ടെത്തി. ഇടപ്പള്ളിയിലെ ഫ്ളാറ്റിലാണ് ജീവനൊടുക്കിയ നിലയില് കണ്ടെത്തിയത്.
ലിംഗമാറ്റ ശസ്ത്രക്രിയ പരാജയപ്പെട്ടതിലുള്ള മനോവിഷമമാണ് ജീവനൊടുക്കാന് കാരണമെന്ന് അനന്യകുമാരിയുടെ സുഹൃത്തുക്കള് പറയുന്നു. റേഡിയോ ജോക്കി, അവതാരക എന്ന നിലയില് ശ്രദ്ധേയയായിരുന്നു. നിയമസഭയിലേക്ക് മല്സരിച്ച ആദ്യ ട്രാന്സ്ജെന്ഡര് സ്ഥാനാര്ഥി കൂടിയായിരുന്നു അവര്. ലിംഗമാറ്റ ശസ്ത്രക്രിയക്കു ശേഷം ഒരു ജോലിയും ചെയ്യാനാകുന്നില്ലെന്നും എഴുന്നേറ്റ് നില്ക്കാന് പോലും ആകുന്നില്ലെന്നും അനന്യ നേരത്തെ പറഞ്ഞിരുന്നു.