അമേരിക്കയില്‍ ശക്തമായ ചുഴക്കാറ്റ്. വാഹനാപകടങ്ങള്‍ കൂട്ടിയിടിച്ചുണ്ടായ അപകടത്തില്‍ 10 പേര്‍ കൊല്ലപ്പെട്ടു.17 വാഹനങ്ങളാണ് അപകടത്തില്‍പ്പെട്ടത്. മരിച്ചവരില്‍ അധികവും ഒരു വാഹനത്തില്‍ സഞ്ചരിച്ച പെണ്‍കുട്ടികളാണ്. ശനിയാഴ്ച ഉച്ചയ്ക്ക് സംസ്ഥാനത്ത് വീശിയടിച്ച കൊടുങ്കാറ്റിനിടെയാണ് അപകടം സംഭവിച്ചത്.
ക്ലോഡെറ്റ് എന്നറിയപ്പെട്ടിരുന്ന ഉഷ്ണമേഖലാ കാറ്റ് കാരണം തെക്കുകിഴക്കന്‍ ഭാഗത്ത് കനത്ത മഴ പെയ്തിരുന്നു. കാറ്റിലും മഴയിലും നിയന്ത്രണം നഷ്ടപ്പട്ട വാഹനങ്ങളാണ് കൂട്ടിയിടിച്ചത്. വാഹനങ്ങളില്‍ പലതിനും തീപിടിച്ചത് അപകടത്തിന്റെ തീവ്രത കൂട്ടി.
