പാരിസ്: അമേരിക്കന് ടെക് ഭീമന് ഗൂഗിളിന് ഭീമന് തുക പിഴയീടാക്കി ഫ്രഞ്ച് അധികൃതര്. ഡിജിറ്റല് പരസ്യ മേഖലയിലെ മാനദണ്ഡങ്ങള് ലംഘിച്ചതിനാണ് ഫ്രഞ്ച് കോംപറ്റീഷന് അതോറിറ്റി 26.8 കോടി ഡോളര് പിഴയിട്ടത്. എതിരാളികളെ ബാധിക്കുന്ന വിധം ഗൂഗിള് സ്വന്തം പരസ്യ പ്ലാറ്റ്ഫോമുകള്ക്ക് മുന്ഗണന നല്കിയെന്നാണ് അധികൃതര് കണ്ടെത്തിയത്.
ഡിജിറ്റല് പരസ്യ രംഗത്തുള്ള ആധിപത്യം ഗൂഗിള് ദുരുപയോഗം ചെയ്തെന്ന് കാട്ടി 2019 ല് റൂപര്ട് മര്ഡോക്കിന്റെ കീഴിലുള്ള ന്യൂസ് കോര്പ്, ഫ്രഞ്ച് പത്രമായ ലെ-ഫിഗരോ, ബെല്ജിയന് മാധ്യമ സ്ഥാപനമായ റൊസല് എന്നിവര് ചേര്ന്ന് നല്കിയ പരാതിയിലാണ് നടപടി. ഗൂഗിള് സ്വന്തം പരസ്യ പ്ലാറ്റ്ഫോമുകളായ ആഡ്-എക്സിനും ഡബിള്ക്ലിക്ക് ആഡ് എക്സ്ചെയ്ഞ്ചിനും പരിധിയിലധികം മുന്ഗണന നല്കി മാര്ക്കറ്റില് അവര്ക്കുള്ള സ്ഥാനം ദുരുപയോഗം ചെയ്യുന്നതായാണ് പരാതിയില് പറയുന്നു. നടപടിക്കുപിന്നാലെ പരസ്യസേവനങ്ങളില് മാറ്റം വരുത്താന് തയ്യാറാണെന്ന് ഗൂഗിള് അറിയിച്ചിട്ടുണ്ട്.മുമ്ബും ഫ്രാന്സില് ഗൂഗിളിന് പിഴയിട്ടിരുന്നു. 2019 ഡിസംബറില് സമാനമായ കേസില് 150 മില്യന് യൂറോയാണ് പിഴയൊടുക്കേണ്ടിവന്നത്.