കോവിഡിന്റെ ഡെല്റ്റ വകഭേദം വാക്സിന് സ്വീകരിച്ചവര്ക്കും ബാധിക്കാന് സാധ്യതയുണ്ടെന്ന് പഠന റിപ്പോര്ട്ട്. ഡല്ഹി എയിംസ്, നാഷണല് സെന്റര് ഫോര് ഡിസീസ് കണ്ട്രോള് (എന്സിഡിസി) എന്നീ സ്ഥാപനങ്ങള് നടത്തിയ പഠനത്തിലാണ് ഇക്കാര്യം വ്യക്തമാക്കുന്നത്.
ആല്ഫാ വകഭേദത്തേക്കാള് അപകടകാരിയും അതിവേഗത്തില് വ്യാപിക്കുന്നതുമാണ് ഡെല്റ്റാ വകഭേദം. കഴിഞ്ഞ മാസമാണ് ഡെല്റ്റാ വകഭേദത്തെ ആശങ്ക പടര്ത്തുന്ന വകഭേദമെന്ന വിഭാഗത്തിലേക്ക് ലോകാരോഗ്യ സംഘടന ഉള്പ്പെടുത്തിയത്.
കൊവിഡിന്റെ ഡെല്റ്റാ വകഭേദം വ്യാപകമാവുന്നതില് ആശങ്ക അറിയിച്ചിരിക്കുകയാണ് വിദഗ്ധര്. ഡെല്റ്റാ വകഭേദം ബാധിക്കുന്ന കൊവിഡ് രോഗികളില് മരണനിരക്ക് അധികമാണെന്നതാണ് ആശങ്ക വര്ധിപ്പിക്കുന്നത്.