ന്യൂഡല്ഹി: ചരക്കു സേവന നികുതി (ജിഎസ്ടി) സമിതി യോഗം മേയ് 28ന് ചേരുമെന്ന് ധനമന്ത്രി നിര്മല സീതാരാമന്. കഴിഞ്ഞ ഒക്ടോബറിലാണ് അവസാനമായി ജിഎസ്ടി കൗണ്സില് ചേര്ന്നത്. ഏഴ് മാസമായി സമിതി ചേരാത്തതിനെതിരെ കടുത്ത വിമര്ശനം ഉയര്ന്നിരുന്നു.
മൂന്ന് മാസത്തിലൊരിക്കല് സമിതി ചേരണമെന്നാണ് നിയമം. കേന്ദ്ര ധനമന്ത്രി അധ്യക്ഷനായുള്ള സമിതിയാണ് വിവിധ സാധനങ്ങളുടെയും സേവനങ്ങളുടെയും നികുതി നിരക്ക് നിശ്ചയിക്കുന്നത്.