ഇടുക്കി: ഇസ്രയേലില് റോക്കറ്റ് ആക്രമണത്തില് കൊല്ലപ്പെട്ട സൗമ്യ സന്തോഷിന്റെ മൃതദേഹം ഇടുക്കി കിരീത്തോട്ടിലെ വീട്ടിലെത്തിച്ചു. വീട്ടിലെ ചടങ്ങുകള്ക്ക് ശേഷം ഇന്ന് ഉച്ചയ്ക്ക് രണ്ടിന് കീരിത്തോട് നിത്യസഹായമാതാ പള്ളിയില് മൃതദേഹം സംസ്കരിക്കും.
ടെല് അവീവില് നിന്നും പ്രത്യേക വിമാനത്തില് എത്തിച്ച മൃതദേഹം കേന്ദ്രമന്ത്രി വി. മുരളീധരന് ആണ് ഏറ്റുവാങ്ങിയത്. തുടര്ന്ന് മൃതദേഹം നെടുമ്പാശേരി വിമാനത്താവളത്തില് എത്തിച്ചു. നെടുമ്പാശേരിയില് സൗമ്യയുടെ ഭര്ത്താവ് സന്തോഷ് ഉള്പ്പെടെയുള്ള ബന്ധുക്കള് മൃതദേഹം ഏറ്റുവാങ്ങി. എംപി ഡീന് കുര്യാക്കോസ് അടക്കം രാഷ്ട്രീയ നേതാക്കളും ഇവിടെ എത്തിയിരുന്നു.