പാരിസ്: ബ്രസീലിയന് സൂപ്പര് താരം നെയ്മര് ജൂനിയര് പി.എസ്.ജിയില് നിന്നും കൂടുവിേട്ടക്കുമെന്ന അഭ്യൂഹങ്ങള്ക്ക് വിരാമം. താരം പി.എസ്.ജിയുമായുള്ള കരാര് നീട്ടിയതായി ക്ലബ് ഔദ്യോഗികമായി അറിയിച്ചു. 2025 വരെയാണ് നെയ്മര് പി.എസ്.ജിയുമായി കരാര് ഒപ്പിട്ടത്.
29കാരനായ നെയ്മര്ക്ക് നിലവിലുള്ള കരാര് പ്രകാരം പി.എസ്.ജി കലാവധി അവസാനിക്കുേമ്ബാഴേക്കും 33 വയസ്സാകും. തുടര്ന്ന് മറ്റൊരു ക്ലബിലേക്ക് ചേക്കേറാനുള്ള ബാല്യമുണ്ടാകുമൊ എന്ന് കണ്ടറിയണം.
.@PSG_English is delighted to announce that @neymarjr has signed a contract extension for a further three seasons until 30 June 2025.
❤️ #NeymarJr2025 https://t.co/gqRfaWhuJt
– Paris Saint-Germain (@PSG_English) May 8, 2021
2017ലാണ് ബാഴ്സ വിട്ട് റെക്കോര്ഡ് തുകക്ക് നെയ്മര് പി.എസ്.ജിയിലെത്തിയത്. നെയ്മര് എത്തിയ ശേഷം ഫ്രഞ്ച് ലീഗ് വണില് മൂന്ന് തവണയും ജേതാക്കളായെങ്കിലും പി.എസ്.ജി സ്വപ്നം കണ്ട ചാമ്ബ്യന്സ് ലീഗ് കിരീടം പാരിസിലെത്തിക്കാന് നെയ്മര്ക്ക് ഇനിയുമായിട്ടില്ല.
പി.എസ്.ജിയില് തുടരുന്നതില് സന്തോഷമുണ്ടെന്നും അഭിമാനമുണ്ടെന്നും നെയ്മര് പ്രതികരിച്ചു. അതിനിടയില് ബാഴ്സ സൂപ്പര് താരം ലയണല് മെസ്സി പി.എസ്.ജിയിലേക്ക് ചേക്കേറുമെന്ന അഭ്യൂഹങ്ങള് വീണ്ടും കൊഴുക്കുന്നുണ്ട്.