രാജ്യത്ത് കൊവിഡ് വ്യാപനം രൂക്ഷമായി തുടരുന്ന സാഹചര്യത്തില് പതിനൊന്നിലധികം സംസ്ഥാനങ്ങള് ലോക്ക് ഡൗണിലേക്ക്. കേരളത്തിനു പുറമേ ദില്ലി, ഹരിയാന ,ബിഹാര് , യുപി, ഒഡീഷ , രാജസ്ഥാന്, കര്ണാടക, ഝാര്ഖണ്ഡ് , ഛത്തീസ്ഗഡ് സംസ്ഥാനങ്ങളിലാണ് ലോക്ഡൗണ് പ്രഖ്യാപിച്ചിരിക്കുന്നത്.
ഇതിനുപുറമേ പത്തോളം സംസ്ഥാനങ്ങളില് രാത്രികാല, വാരാന്ത്യ കര്ഫ്യൂവും നിലനില്ക്കുന്നുണ്ട്. രണ്ടാം തരംഗത്തില് വലിയ പ്രതിസന്ധി നേരിട്ട ദില്ലിയില് പോസിറ്റിവിറ്റി നിരക്ക് കുറഞ്ഞത് ആശ്വാസം ആവുകയാണ്. ഓക്സിജന് പ്രതിസന്ധിയിലും കുറവുണ്ട്. കൂടുതല്പേര്ക്ക് വാക്സിന് നല്കാനാണ് ഇപ്പോള് സര്ക്കാര് നീക്കം.