കൊല്ലം: മോഷണക്കേസില്‍ പൊലീസ് കസ്റ്റഡിയിലെടുത്ത യുവാവ് ചിന്നക്കടയില്‍ വാഹനത്തില്‍നിന്ന് രക്ഷപ്പെട്ടു.നഗരത്തിലെ വിവിധ ക്ഷേത്രങ്ങളില്‍ കഴിഞ്ഞ രാത്രിയില്‍ മോഷണം നടന്ന സംഭവത്തില്‍ കസ്റ്റഡിയിലെടുത്ത സുമേഷാണ് വെട്ടിച്ചുകടന്നത്.
പൊലീസ് ഉദ്യോഗസ്ഥര്‍ പിന്നാലെ പാഞ്ഞെങ്കിലും സമീപത്തെ റെയില്‍വേ വളപ്പിലേക്ക് കടന്ന യുവാവിനെ കണ്ടെത്താനായില്ല. ക്ഷേത്രങ്ങളില്‍ നിന്ന് ലഭിച്ച സി.സി.ടി.വി ദൃശ്യങ്ങളില്‍ കണ്ട യുവാവിനോട് സാദൃശ്യം തോന്നിയ ചിന്നക്കട സ്വദേശിയെയാണ് വ്യാഴാഴ്ച പൊലീസ് കസ്റ്റഡിയിലെടുത്തത്.
ഇയാളെ തെളിവെടുപ്പിന് കൊണ്ടുവന്നപ്പോള്‍ അക്രമാസക്തനാകുകയും സ്വയം കൈവിലങ്ങുകൊണ്ട് നെറ്റിയില്‍ ഇടിക്കുകയും ചെയ്തിരുന്നു.
