സംസ്ഥാനത്ത് തടസപ്പെട്ട റേഷന്‍ വിതരണം പുനഃസ്ഥാപിച്ചു. ഇ- പോസ് മെഷീനിലെ നെറ്റ്‌വര്‍ക്ക് തകരാര്‍ മൂലം ഒന്നേകാല്‍ മണിക്കൂറാണ് വിതരണ തടസപ്പെട്ടത്.
വിഷുത്തലേന്ന് ഇ- പോസ് യന്ത്രം പണിമുടക്കിയത് റേഷന്‍ വ്യാപാരികളെയും കടയുടമകളെയും വലച്ചിരുന്നു. വൈകുന്നേരം അഞ്ചു മുതല്‍ ആറേകാല്‍ വരെയാണ് സംസ്ഥാനത്തെ റേഷന്‍ കടകളിലെ ഇ- പോസ് യന്ത്രങ്ങളില്‍ നെറ്റ് വര്‍ക്ക് ലഭിക്കാതെ വന്നത്.
മിക്ക കടകളിലും റേഷന്‍ വാങ്ങാനെത്തിയവരുടെ നീണ്ട നിരയുണ്ടായിരുന്നു. ചിലയിടങ്ങളില്‍ ഇത് തര്‍ക്കങ്ങള്‍ക്കും കാരണമായി. സെര്‍വര്‍ പ്രശ്‌നം പൂര്‍ണമായും പരിഹരിക്കണമെന്ന് റേഷന്‍ വ്യാപാരികള്‍ ആവശ്യപ്പെട്ടിരുന്നു.
